ഒമാനില്‍ കോവിഡ് ബാധിച്ച്‌ മരിച്ചവരുടെ എണ്ണം 603 ആയി. ബുധനാഴ്ച ആറു പേര്‍ കൂടി മരിച്ചതോടെയാണിത്. 188 പേര്‍ക്കാണ് പുതുതായി രോഗം സ്ഥിരീകരിച്ചത്. ഇതോടെ മൊത്തം രോഗികളുടെ എണ്ണം 83606 ആയി. 211 പേര്‍ക്ക് രോഗം ഭേദമായി. 78188 പേരാണ് ഇതുവരെ രോഗമുക്തരായത്. 36 പേരെ കൂടി ആശുപത്രിയില്‍ പ്രവേശിപ്പിച്ചു. 436 പേരാണ് ആശുപത്രികളില്‍ ചികിത്സയിലുള്ളത്. 158 പേര്‍ തീവ്ര പരിചരണ വിഭാഗത്തിലാണുള്ളത്. മസ്കത്ത് ഗവര്‍ണറേറ്റില്‍ 68 പേര്‍ക്കാണ് പുതുതായി വൈറസ് ബാധ സ്ഥിരീകരിച്ചത്. ഇതില്‍ 25 പേരും സീബ് വിലായത്തിലാണ്.
#Statement No. 169
August 19, 2020 pic.twitter.com/pE2UV3lozs— وزارة الصحة – سلطنة عُمان (@OmaniMOH) August 19, 2020
മസ്കത്തില്‍ 15 പേര്‍ക്കും അമിറാത്തില്‍ 10 പേര്‍ക്കും മത്രയില്‍ എട്ടുപേര്‍ക്കും ബോഷറില്‍ ആറ് പേര്‍ക്കും രോഗം സ്ഥിരീകരിച്ചിട്ടുണ്ട്. വടക്കന്‍ ബാത്തിനയില്‍ കോവിഡ് സ്ഥിരീകരിച്ച 30 പേരില്‍ 12 പേരും സുഹാറിലാണ്. സുവൈധില്‍ എട്ടും ഷിനാസിലും ഖാബൂറയിലും നാലുവീതം രോഗികളുമുണ്ട്. തെക്കന്‍ ബാത്തിന-28, വടക്കന്‍ ശര്‍ഖിയ-15, തെക്കന്‍ ശര്‍ഖിയ-12, ദോഫാര്‍-11, ദാഖിലിയ-11, ദാഹിറ-അഞ്ച്, മുസന്ദം-അഞ്ച്, ബുറൈമി- മൂന്ന് എന്നിങ്ങനെയാണ് മറ്റ് ഗവര്‍ണറേറ്റുകളിലെ രോഗികളുടെ എണ്ണം.
