ജയ്പൂര്: സച്ചിന് പൈലറ്റുള്പ്പടെയുളള കോണ്ഗ്രസ്സിലെ വിമത എംഎല്എമാരെ ജൂലൈ 24 വരെ ആയോഗ്യരാക്കരുതെന്ന് ഹൈക്കോടതി. രാജസ്ഥാനിലെ രാഷ്ട്രീയ പ്രതിസന്ധി രൂക്ഷമായികൊണ്ടിരിക്കുന്ന സാഹചര്യത്തിലാണ് ഹൈക്കോടതിയുടെ ഇടപെടല്.
19 എംഎല്എമാര്ക്ക് നല്കിയ അയോഗ്യത നോട്ടീസില് ജൂലൈ 24 വരെ നടപടിയെടുക്കരുതെന്ന് ഹൈക്കോടതി സ്പീക്കര്ക്ക് നിര്ദേശം നല്കി. സച്ചിന് പൈലറ്റും 18 എംഎല്എമാരും സമര്പ്പിച്ച ഹര്ജിയിലാണ് ഹൈക്കോടതി സുപ്രാധാന ഇടപെടല് നടത്തിയിരിക്കുന്നത്.
പാര്ട്ടിയില് നിന്ന് രാജിവയ്ക്കുന്നതിനുളള ഒരു നീക്കവും തങ്ങള് നടത്തുന്നില്ലെന്ന് എംഎല്എമാര് ഹര്ജിയില് പറയുന്നു. പാര്ട്ടിക്കൊപ്പം നില്ക്കുമെന്നും സര്ക്കാരിനെ താഴെയിറക്കാനോ വേറെ പാര്ട്ടികളില് ചേരാനോ താല്പര്യമില്ല. അതുകൊണ്ട് തന്നെ പാര്ട്ടി യോഗത്തില് പങ്കെടുത്തില്ലെന്ന് പറഞ്ഞ് അയോഗ്യരാക്കാനാകില്ലെന്നും ഹര്ജിയില് വ്യക്തമാക്കുന്നു.
