Web Desk
21 വിമാനങ്ങളിലായി നെടുമ്പാശ്ശേരി വിമാനത്താവളം വഴി ഇന്നെത്തുന്നത് മൂവായിരത്തിലേറെ പ്രവാസികള്. ഗള്ഫ് രാജ്യങ്ങള്ക്ക് പുറമെ ലണ്ടന്, എത്യോപ്യ എന്നിവിടങ്ങളില് നിന്നുള്ള വിമാനങ്ങളും ഇക്കൂട്ടത്തിലുണ്ട്. ഇന്നലെ 21 വിമാനങ്ങളിലായി 4060 പ്രവാസികള് എത്തിയിരുന്നു.
അതേസമയം നാട്ടിലേക്കുള്ള പ്രവാസികളുടെ മടക്കത്തിലെ നിബന്ധനകള് ഇന്ന് മുതല് നിലവില് വരും. സൗദി അറേബ്യയില് നിന്നും വരുന്നവര്ക്ക് പിപിഇ കിറ്റ് വേണം. ബഹ്റൈനില് നിന്നും ഒമാനില് നിന്നും വരുന്നവര്ക്ക് എന് 95 മാസ്ക്കും കയ്യുറയും ഫേസ് മാസ്ക്കും ധരിക്കണം. ആന്റിബോഡി പരിശോധന നിലവിലുള്ള യുഎഇയില് നിന്നും വരുന്നവര്ക്ക് കോവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാണ്. ഖത്തറില് നിന്നുള്ളവര്ക്ക് എഹ്ത്രാസ് മൊബൈല് ആപ്പില് ഗ്രീന് സ്റ്റാറ്റസ് ആയിരിക്കണം. കുവൈറ്റില് നിന്ന് പരിശോധന ഇല്ലാതെ വരുന്നവരും പിപിഇ കിറ്റ് ധരിക്കണം.
