പവന് 200 രൂപ കൂടി. ഒരു പവന് സ്വര്‍ണത്തിന് 35,200 രൂപയാണ് വില. ഒരു ഗ്രാമിന് 4,400 രൂപയും. ഇന്നലെ സ്വര്‍ണ വില പവന് 200 രൂപ കുറഞ്ഞിരുന്നു
കൊച്ചി: സംസ്ഥാനത്ത് സ്വര്‍ണ വിലയില്‍ വര്‍ദ്ധന. പവന് 200 രൂപ കൂടി. ഒരു പവന് സ്വര്‍ണത്തിന് 35,200 രൂപയാണ് വില. ഒരു ഗ്രാമിന് 4,400 രൂപയും. ഇന്നലെ സ്വര്‍ണ വില പവന് 200 രൂപ കുറഞ്ഞി രുന്നു. ഒരു പവന് സ്വര്‍ണത്തിന് 35,000 രൂപയായിരുന്നു വില. ജൂണിലെ ഏറ്റവും കുറഞ്ഞ നിരക്കാ യിരുന്നു ഇത്. രാജ്യാന്തര വിപണിയില്‍ ട്രോയ് ഔണ്‍സിന് 1,775.69 ഡോളറിലാണ് വ്യാപാരം.
ജൂണില്‍ ഇതുവരെ പവന് 1,680 രൂപ കുറഞ്ഞു. യുഎസ് ഫെഡറല്‍ റിസര്‍വ് 2023ല്‍ പലിശ നിര ക്കു കള്‍ ഇരട്ടിയാക്കുമെന്ന പ്രഖ്യാപനവും ഡോളര്‍ കരുത്താര്‍ജിച്ചതും ഈ മാസം സ്വര്‍ണത്തിന് മങ്ങലേല്‍പ്പിച്ചു. ജൂണ്‍ മൂന്നിനാണ് സ്വര്‍ണ വില ഏറ്റവും ഉയര്‍ന്ന നിരക്കില്‍ എത്തിയത്. ഒരു പവന് സ്വര്‍ണത്തിന് 36,960 രൂപയായിരുന്നു വില. പിന്നീട് വില ഇടിഞ്ഞു.
മെയ് ഒന്ന് രണ്ട് തിയതികളിലാണ് മെയിലെ ഏറ്റവും കുറഞ്ഞ നിരക്കില്‍ സ്വര്‍ണ വില എത്തിയത്. ഒരു പവന് സ്വര്‍ണത്തിന് 35,040 രൂപയായി രുന്നു വില. ഒരു ഗ്രാമിന് 4,380 രൂപയും. മെയ് 26ന് ആണ് മെയിലെ ഏറ്റവും ഉയര്‍ന്ന നിരക്കില്‍ വില എത്തിയത്. പവന് 36,880 രൂപയായിരുന്നു വില.
