ഊട്ടിക്കു സമീപം കുനൂരില് സൈനിക ഹെലികോപ്റ്റര് തകര്ന്നുണ്ടായ അപകടത്തില് ഇന്ത്യയുടെ പ്രഥമ സംയുക്ത സൈനിക മേധാവി ജനറല് ബിപിന് റാവത്ത് (63) അന്തരിച്ചു. ബിപിന് റാവത്തും ഭാര്യ മധുലിക റാവത്തും ഉള്പ്പെടെ പതിമൂന്നുപേര് മരിച്ചതായി ഇന്ത്യന് എയര്ഫോഴ്സ് അറിയിച്ചു
കോയമ്പത്തൂര്:ഊട്ടിക്കു സമീപം കുനൂരില് സൈനിക ഹെലികോപ്റ്റര് തകര്ന്നുണ്ടായ അപകടത്തില് ഇന്ത്യയുടെ പ്രഥമ സംയുക്ത സൈനിക മേധാവി ജനറല് ബിപിന് റാവത്ത് (63) അന്തരിച്ചു. ബിപിന് റാവ ത്തും ഭാര്യ മധുലിക റാവത്തും ഉള്പ്പെടെ പതിമൂന്നുപേര് മരിച്ചതായി ഇന്ത്യന് എയര്ഫോഴ്സ് അറിയി ച്ചു. പരിക്കേറ്റ ക്യാപ്റ്റന് വരു ണ് സിങ് ചികിത്സയിലാണെന്നും എയര്ഫോഴ്സ് വ്യക്തമാക്കി.
സംയുക്ത സൈനിക മേധാവി ജനറല് ബിപിന് റാവത്ത്, ഭാര്യ മധുലിക റാവത്ത്, ബ്രിഗേഡിയര് എല് എസ് ലിഡ്ഡര്, ലെഫ്. കേണല് ഹര്ജീന്ദര് സിങ്, എന് കെ ഗുര്സേ വക് സിങ്, എന്കെ ജിതേന്ദ്രകുമാര്, ലാന്സ് നായിക് വിവേക് കുമാര്, ലാന്സ് നായിക് ബി സായ് തേജ, ഹവീല്ദാര് സത്പാല് എന്നിവരുള് പ്പെടെ 13 പേര് അപകട ത്തില് കൊല്ലപ്പെട്ടതായാണ് വ്യോമസേന സ്ഥിരീകരിച്ചത്.
സേനാ മേധാവി ബിപിന് റാവത്ത് ഉള്പ്പെടെ 14 പേര് സഞ്ചരിച്ച ഹെലികോപ്റ്ററാണ് തകര്ന്നത്. കോയമ്പ ത്തൂരിലെ സുലൂര് വ്യോമസേന താവളത്തില് നിന്ന് ഊട്ടിയിലെ വെല്ലിങ്ടണ് കന്റോണ്മെന്റിലേക്കുള്ള യാത്രാമധ്യേയായിരുന്നു അപകടം.മോശം കാലാവസ്ഥയാണ് അപകടത്തിന് ഇടയാക്കിയതെന്നാണ് വിവ രം.വ്യോമ സേനയുടെ റ ഷ്യന് നിര്മിത എംഐ 17V5 ഹെലികോപ്റ്ററാണ് അപകടത്തില്പ്പെട്ടത്. കുനൂ രിലെ കാട്ടേരി ഫാമിനു സമീപമാണ് അപകടമുണ്ടായത്. കോയമ്പത്തൂരില്നിന്ന് 11.47ന് പറന്നുയര്ന്ന ഹെലികോപ്റ്റര് ഉച്ചയ്ക്കു ശേഷമാണ് തകര്ന്നുവീണത്. ലാന്ഡിങ്ങിന് 10 കിലോമീറ്റര് മാത്രമകലെയായി രുന്നു അപകടം.
തകര്ന്നു വീണയുടന് ഹെലികോപ്റ്ററില് തീപടര്ന്നത് രക്ഷാപ്രവര്ത്തനങ്ങളെ ബാധിച്ചു. സംഭവത്തില് അന്വേഷണത്തിന് വ്യോമസേന ഉത്തരവിട്ടു.ബ്രിഗേഡിയര് എല്.എസ്.ലിഡര്, ലെഫ്റ്റനന്റ് കേണല് ഹര്ജിന്ദര് സിങ്, നായിക്മാരായ ഗുരുസേവക് സിങ്, ജിതേന്ദ്രകുമാര്,ലാന്സ് നായിക് വിവേക് കുമാര്, സായി തേജ,ഹവില്ദാര് സത്പാല് തുടങ്ങിയവരാണ് ബിപിന് റാവത്തിനും ഭാര്യ മധുലികയ്ക്കും സ്റ്റാഫി നുമൊപ്പം ഹെലികോപ്റ്ററില് ഉണ്ടായിരുന്നത്.
അപകടത്തെക്കുറിച്ച് പ്രതിരോധമന്ത്രി രാജ്നാഥ് സിങ് പ്രധാനമന്ത്രിയെ വിവരം ധരിപ്പിച്ചു. പ്രതിരോധ മന്ത്രി പാര്ലമെന്റില് പ്രസ്താവന നടത്തുമെന്നും ഔദ്യോഗിക വൃ ത്തങ്ങള് അറിയിച്ചു.
