പ്രതിദിന രോഗികളുടെ എണ്ണം നാല് ലക്ഷം കടന്നു. 24 മണിക്കൂറിനിടെ 4,12,262 പേര്‍ക്ക് രോഗം സ്ഥിരീകരിച്ചു. 3980 പേര്‍ കോവിഡ് ബാധമൂലം മരിച്ചു. ഇതോടെ രാജ്യത്തെ ആകെ കോവിഡ് മരണം 2,30,168 ആയി.
ന്യൂഡല്‍ഹി : രാജ്യത്ത് കോവിഡ് വ്യാപനം അതിരൂക്ഷമായി തുടരുന്നതിനിടെ പ്രതിദിന രോഗി കളുടെ എണ്ണം നാല് ലക്ഷം കടന്നു. 24 മണിക്കൂറിനിടെ 4,12,262 പേര്‍ക്ക് രോഗം സ്ഥിരീകരിച്ചു. 3980 പേര്‍ കോവിഡ് ബാധമൂലം മരിച്ചു. ഇതോടെ രാജ്യത്തെ ആകെ കോവിഡ് മരണം 2,30,168 ആയി. 35,66,398 പേരാണ് രാജ്യത്ത് രോഗം ബാധിച്ച് ചികിത്സയില്‍ കഴിയുന്നത്. 1.09 ശതമാനമാണ് മരണ നിരക്ക്.
കേരളം ഉള്‍പ്പെടെ അഞ്ച് സംസ്ഥാനങ്ങളില്‍ രോഗബാധ രൂക്ഷമായി തുടരുകയാണ്. 57,640 രോഗി കളുള്ള മഹാരാഷ്ട്രയാണ് ഒന്നാം സ്ഥാനത്ത്. കര്‍ണാടക-50,112, കേരളം-41,953, ഉത്തര്‍പ്രദേശ്-31,111, തമിഴ്‌നാട്-23,310 എന്നിങ്ങനെയാണ് വിവിധ സ്ഥലങ്ങളിലെ രോഗബാധ. ഈ അഞ്ച് സംസ്ഥാനങ്ങ ളില്‍ നിന്നാണ് ഇന്ത്യയിലെ 49.52 ശതമാനം കോവിഡ് കേസുകളും റിപ്പോര്‍ട്ട് ചെയ്യുന്നത്. മഹാരാ ഷ്ട്രയില്‍ മാത്രം 13.98 ശതമാനം കോവിഡ് രോഗികളുണ്ട്.
രാജ്യത്ത് കോവിഡ് മരണം ജൂണില്‍ 4 ലക്ഷത്തിന് മുകളിലാകുമെന്ന് ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ് മുന്നറിയിപ്പ് നല്‍കി കഴിഞ്ഞു. ജൂലൈ അവസാനത്തോടെ 10 ലക്ഷം കവിയുമെന്ന് വാ ഷിങ്ടണ്‍ സര്‍വകലാശാലയുടെ പഠനവും പറയന്നു.
കോറോണ വൈറസിന് സംഭവിച്ച ഇരട്ട ജനിതകമാറ്റമാണ് രണ്ടാം തരംഗത്തിന് കാരണമെന്നാണ് കേന്ദ്ര ആരോഗ്യ മന്ത്രാലയം റിപ്പോര്‍ട്ടില്‍ വ്യക്തമാക്കുന്നു. ബി. 1. 617 എന്ന വൈറസ് വകഭേദമാണ് രോഗവ്യാപനം അതിതീവ്രമാക്കുന്നത്. ജനിതകമാറ്റവും, രണ്ടാം തരംഗവും തമ്മില്‍ ബന്ധമുണ്ടെന്ന് പറയാനാവില്ലെന്നായിരുന്നു മുന്‍ നിലപാട്. അതിവേഗമാണ് രാജ്യത്ത് കോവിഡ് രോഗികളുടെ എ ണ്ണം വര്‍ധിക്കുന്നത്.
