സംസ്ഥാന മന്ത്രിസഭാ രൂപവത്ക്കരണത്തില് പാര്ട്ടി കേന്ദ്രനേതൃത്വം ഇടപെടാറില്ല. കെ കെ ശൈ ലജയുടെ കാര്യത്തിലും തീരുമാനമെടുത്തത് സംസ്ഥാന കമ്മിറ്റിയാണെന്നും പുതുമുഖങ്ങളെ ഉള് പ്പെടുത്തേണ്ടത് അനിവാര്യതയാണെന്നും സിപിഎം ജനറല് സെക്രട്ടറി സീതാറാം യെച്ചൂരി
തിരുവനന്തപുരം : സംസ്ഥാന മന്ത്രിസഭാ രൂപവത്ക്കരണത്തില് പാര്ട്ടി കേന്ദ്രനേതൃത്വം ഇട പെടാറില്ലെന്ന് സിപിഎം ജനറല് സെക്രട്ടറി സീതാ റാം യെച്ചൂരി. സ്ഥാനാര്ഥികളെയും മന്ത്രി മാരെയുമൊക്കെ തീരുമാനിക്കുന്നത് സംസ്ഥാന ഘടകമാണ്. കെ കെ ശൈലജയുടെ കാര്യത്തിലും തീരുമാനമെടുത്തത് സംസ്ഥാന കമ്മിറ്റിയാണെന്നും പുതുമുഖങ്ങളെ ഉള്പ്പെടുത്തേണ്ടത് അനി വാര്യതയാണെന്നും സീതാറാം യെച്ചൂരി പറഞ്ഞു. ഇടതുസര്ക്കാരിനെ ഒരിക്കല് കൂടി തെരഞ്ഞ ടുത്ത കേരളത്തിന് നന്ദിപറഞ്ഞായിരുന്നു സീതാറാം യെച്ചൂരിയുടെ പ്രതികരണം.
തിരുവനന്തപുരം സെന്ട്രല് സ്റ്റേഡിയത്തില് വൈകിട്ട് മൂന്നു മണിക്കാണ് രണ്ടാം പിണറായി സര്ക്കാരിന്റെ സത്യപ്രതിജ്ഞാ ചടങ്ങ്. കോവിഡ് പ്രോട്ടോകോള് അനുസരിച്ച് ക്രമീകരിച്ചാണ് ഇരിപ്പിടങ്ങള് സജ്ജമാക്കിയിട്ടുള്ളത്. നിയുക്ത മന്ത്രിമാരും മുന് മന്ത്രിമാരും അടക്കം എല്ലാവ ര്ക്കും പേരെഴുതിയ പ്രത്യേകം ഇരിപ്പിടങ്ങളാണ് ഒരുക്കിയിട്ടുള്ളത്. ഒരു മന്ത്രിക്ക് ഒപ്പം പരമാവധി അഞ്ച് പേര്ക്ക് മാത്രമാണ് വേദിയിലേക്ക് പ്രവേശനം അനുവദിച്ചിട്ടുള്ളത്. മുഖ്യമന്ത്രിക്കും മന്ത്രിമാര്ക്കും മുന്നിരയില് തന്നെ ഇരിപ്പിടങ്ങള് സജ്ജമാക്കിയിട്ടുണ്ട്.
