ആലപ്പുഴയില്‍ നിന്നും കാണാതായ ആര്യാട് സ്വദേശിയായ യുവാവിന്റേതെന്ന് സംശയിക്കുന്ന മൃതദേഹം വീടിനുള്ളിലെ തറയ്ക്കുള്ളില്‍ കണ്ടെത്തി. ചങ്ങനാശ്ശേരി എസി റോഡില്‍ പൂവത്തിന് സമീപത്തുള്ള സു ഹൃത്തിന്റെ വീടിന്റെ തറ തുരന്ന് നടത്തിയ പരിശോധനയിലാണ് മൃതദേഹം കണ്ടെത്തിയത്
കോട്ടയം: ആലപ്പുഴയില്‍ നിന്നും കാണാതായ ആര്യാട് സ്വദേശിയായ യുവാവിന്റേതെന്ന് സംശയി ക്കുന്ന മൃതദേഹം വീടിനുള്ളിലെ തറയ്ക്കുള്ളില്‍ കണ്ടെത്തി. ചങ്ങനാശ്ശേ രി എസി റോഡില്‍ പൂവത്തി ന് സമീപത്തുള്ള സുഹൃത്തിന്റെ വീടിന്റെ തറ തുരന്ന് നടത്തിയ പരിശോധനയിലാണ് മൃതദേ ഹം ക ണ്ടെത്തിയത്. വീടിന് പിന്നിലെ പുതുതായി നിര്‍മ്മിച്ച കോണ്‍ക്രീറ്റ് തറ പൊളിച്ച് പരിശോധിച്ചപ്പോ ഴാണ് മൃതദേഹം കണ്ടെടുത്തത്.
ആലപ്പുഴയില്‍ നിന്നും ഏതാനും നാള്‍ മുമ്പ് കാണാതായ ബിന്ദുകുമാറിന്റെ(40) മൃതദേഹമാണ് ച ങ്ങനാശേരി പൊലീസ് കണ്ടെടുത്തതെന്നാണ് സംശയിക്കുന്നത്. സംഭവത്തില്‍ ബിന്ദുകുമാറിന്റെ സുഹൃത്തിനായി പൊലീസ് അന്വേഷണം തുടങ്ങി. ഇയാള്‍ കൃത്യത്തിന് ശേഷം ഒളിവില്‍ പോയതാ യാണ് സംശയിക്കുന്നത്. കാണാതായ ബിന്ദുകുമാറിന്റെ ബൈക്ക് നേരത്തെ വാകത്താനത്തെ തോട്ടി ല്‍ നിന്ന് പൊലീസ് കണ്ടെത്തിയിരുന്നു. ഇതിനുപിന്നാലെ നടത്തിയ അന്വേഷണമാണ് കേസില്‍ തു മ്പായത്. ബിന്ദുകുമാറിനെ കാണതായതായി കാണിച്ച് ഇയാളുടെ മാതാവാണ് പൊലീസില്‍ പരാതി നല്‍കിയത്. ഈ പരാതിയില്‍ കേസെടുത്ത് പൊലീസ് അന്വേഷണം നടത്തി വരികയായിരുന്നു.
മൃതദേഹം കാണാതായ ബിന്ദുകുമാറിന്റേതാണോ എന്ന് ഡിഎന്‍എ പരിശോധന അടക്കമുള്ള ശാസ്ത്രീയ പരിശോധനകള്‍ പൊലീസ് നടത്തും. ആര്യാട് സ്വദേശിയായ ബിന്ദുകുമാറിനെ കഴിഞ്ഞ മാസം 26 മുതലാണ് കാണാതായത്. ഇക്കാര്യം വ്യക്തമാക്കി ബിന്ദു കുമാറിന്റെ ബന്ധുക്കള്‍ പൊ ലീസില്‍ പരാതി നല്‍കിയിരുന്നു. ഈ കേസില്‍ അന്വേഷണം തുടരുന്നതിനിടെയാണ് കൊല പാതകം നടന്നതായി പൊലീസിന് സൂചന ലഭിക്കുന്നത്.
ബിന്ദുകുമാറിന്റെ സുഹൃത്തും ആലപ്പുഴ സ്വദേശിയുമായ മുത്തുകുമാറിന്റെ വീടിനുള്ളില്‍ നിന്നു മാണ് മൃതദേഹം കണ്ടെടുത്തത്. മുത്തുകുമാര്‍ യുവാവിനെ കൊലപ്പെടുത്തിയതായാണ് പൊലീസ് സംശയിക്കുന്നത്. യുവാവിനെ കാണാതാകുന്നതു മുതലുള്ള ടവര്‍ ലൊക്കേഷന്‍ പരിശോധി ച്ചപ്പോള്‍, ഇരുവരും ഒരുമിച്ചുണ്ടായിരുന്നതായി പൊ ലീസിന് സൂചന ലഭിച്ചു.
വീട്ടിലുണ്ടായിരുന്നവരെ അവിടെ നിന്നും മാറ്റിയതും, പിന്നീട് മുത്തുകുമാറിനെ ഫോണില്‍ ലഭ്യമാ കാതിരുന്നതുമാണ് പൊലീസിന് സംശയം വര്‍ധിപ്പിച്ചത്. കാണാതായ ബിന്ദുകുമാറിന്റെ ബൈക്ക് കോട്ടയം തൃക്കൊടിത്താനത്തെ തോട്ടില്‍ നിന്നും ലഭിച്ചതും കേസില്‍ നിര്‍ണായകമായി. മൃതദേഹം ബിന്ദുകുമാറിന്റേതാണോ എന്നതിന് ഡിഎന്‍എ പരിശോധന അടക്കം ശാസ്ത്രീയ പരിശോധനകള്‍ പൊലീസ് നടത്തും. മുത്തുകുമാര്‍ പൊലീസ് കസ്റ്റഡിയിലുള്ളതായും റിപ്പോര്‍ട്ടുകളുണ്ട്.
