കെ. സുരേന്ദ്രനെ പോലെ സുരേഷ് ഗോപിയും ഹെലികോപ്റ്ററിലാണ് തൃശൂരില് വന്നുപോയത്. ആ യാത്രയില് പണം കടത്തിയിരുന്നോയെന്ന് സംശയിക്കുന്നതായും പദ്മജ ഫേസ്ബുക്ക് പോസ്റ്റില് പറയുന്നു.
തൃശൂര്: കൊടകര കുഴല്പ്പണക്കേസില് ബിജെപി സംസ്ഥാന അധ്യക്ഷന് കെ. സുരേന്ദ്രനോടൊ പ്പം തൃശൂരില് മത്സരിച്ച സുരേഷ് ഗോപിയുടെ പങ്കു കൂടി അന്വേഷണിക്കണമെന്ന് എതിര് സ്ഥാ നാര്ത്ഥിയായ കോണ്ഗ്രസ് നേതാവ് പദ്മജ വേണുഗോപാല്.
കെ. സുരേന്ദ്രനെപ്പോലെ സുരേഷ് ഗോപിയും ഹെലികോപ്ടറിലാണ് തൃശ്ശൂരില് പ്രചരണത്തിനായി എത്തിയതെന്നും ആ സമയത്ത് പണം കടത്തിയോ എന്ന് സംശയമുയരുന്നുണ്ടെന്നും പദ്മജ പറ ഞ്ഞു. ഇതെല്ലാം അന്വേഷണ വിധേയമാക്കണമെന്നും പദ്മജ ഫേസ്ബുക്ക് പോസ്റ്റിലെഴുതി കുറി പ്പില് ആവശ്യപ്പെട്ടു.
കൊടകര കുഴല്പ്പണ കേസുമായി ബന്ധപ്പെട്ട് സുരേഷ് ഗോപിയുടെ മൊഴിയെടുത്തേത്തുമെന്ന വാര്ത്തകള്ക്ക് പിന്നാലെയാണ് പദ്മജയുടെ പ്ര തികരണം.കേസിലെ പരാതിക്കാരനായ ധര്മ്മ രാജന് സുരേഷ് ഗോപിയുടെ തെരഞ്ഞെടുപ്പ് കമ്മിറ്റി ഓഫീസിലെത്തിയതിന്റെ അടിസ്ഥാനത്തി ലാ ണ് സുരേഷ് ഗോപിയുടെ മൊഴിയെടുക്കാന് അന്വേഷണ സംഘം ആലോചിക്കുന്നതെന്നാണ് ഇപ്പോള് പുറത്തുവരുന്ന റിപ്പോര്ട്ട്. ബിജെപിയു ടെ തെരഞ്ഞെടുപ്പ് ഫണ്ടിനെ കുറിച്ചും കാര്യമായ അന്വേഷണം നടത്താനും നിര്ദേശമുണ്ട്.
പദ്മജയുടെ ഫേസ്ബുക്ക് കുറിപ്പ് പൂര്ണരൂപത്തില്
കെ. സുരേന്ദ്രനെ മാത്രം അന്വേക്ഷണത്തില് ഉള്പ്പെടുത്തിയാല് മതിയോ? സുരേഷ് ഗോപിയുടെ കാര്യവും അന്വേക്ഷിക്കണ്ടേ? അദ്ദേഹവും ഇത് പോലെ ഹെലികോപ്റ്ററില് ആണ് തൃശ്ശൂരില് വന്നതും പോയതും. അതിലും പൈസ കടത്തിയിരുന്നോ എന്ന് ഇപ്പോള് സംശയിക്കുന്നു. തെരഞ്ഞെടുപ്പ് ചിലവില് ഇതെല്ലം കാണിച്ചിട്ടുണ്ടോ? ഇതും അന്വേഷണ വിഷയമാക്കേണ്ടതല്ലേ ?