ആറു കൊലപാതകക്കേസുകളില് പ്രതിയായ ഭാര്യയുടെ ക്രൂരത ചൂണ്ടിക്കാട്ടിയാണ് കൂടത്തായി കൊലക്കേസുകളില് റിമാന്ഡില് കഴിയുന്ന ജോളി ജോസഫിനെതിരെ ഭര്ത്താവ് ഷാജു സക്കറിയ കുടുംബക്കോടതിയില് വിവാഹമോചന ഹര്ജി നല്കി
കോഴിക്കോട്: കൂടത്തായി കൊലക്കേസുകളില് റിമാന്ഡില് കഴിയുന്ന ജോളി ജോസഫിനെതിരെ ഭര്ത്താവ് ഷാജു സക്കറിയ കോഴിക്കോട് കുടുംബക്കോടതിയില് വിവാഹമോചന ഹര്ജി നല്കി. കോഴിക്കോട് ജില്ലാ ജയിലില് റിമാന്ഡിലാണ് ജോളി. ജയില് സൂപ്രണ്ട് വഴി കോടതി നോട്ടിസ് അയക്കും. ആറു കൊലപാതകക്കേസുകളില് പ്രതിയായ ഭാര്യയുടെ ക്രൂരത ചൂണ്ടിക്കാട്ടിയാണ് ഷാജു വിവാഹമോചനം ആവശ്യപ്പെട്ടത്.
ഷാജുവിന്റെ ആദ്യഭാര്യ സിലിയുടെയും ജോളിയുടെ ആദ്യഭര്ത്താവ് റോയിയുടെയും മരണത്തി നു ശേഷമാണ് 2017ല് റോയിയുടെ പിതൃസ ഹോദര പുത്രനായ ഷാജുവും ജോളിയും പുനര്വിവാ ഹിതരായത്. എന്നാല് ഈ രണ്ടു മരണങ്ങള് ഉള്പ്പെടെ ഇരുവരുടെയും കുടുംബത്തില് നടന്ന ആറു മരണവും കൊലപാതകമാണെന്ന് 2019 ഒക്ടോബറില് പൊലീസ് കണ്ടെത്തി.
ആദ്യഭാര്യയെയും മകളെയും കൊലപ്പെടുത്തിയത് ജോളിയാണെന്നും തന്നെയും കേസില്പ്പെടു ത്താനായി വ്യാജമൊഴി നല്കിയെന്നും ക്രൂരമായ കൊലപാതകങ്ങള് നടത്തിയയാളോടൊപ്പം ജീവിക്കാനാകില്ലെന്നും ഹര്ജിയില് പറയുന്നു. വിവാഹമോചന ഹര്ജി കോടതി ഒക്ടോബര് 26ന് പരിഗണിക്കും.
ജോളിയുടെ ഭര്ത്താവ് കൂടത്തായി പൊന്നാമറ്റം റോയ് തോമസ്, റോയിയുടെ മാതാപിതാക്കളായ ടോം തോമസ്, അന്നമ്മ തോമസ്, അന്നമ്മയുടെ സഹോദരന് എം എം മാത്യു മഞ്ചാടിയില്, ഷാജു വിന്റെ ഭാര്യ സിലി, മകള് ആല്ഫൈന് എന്നിവരാണ് 2002 നും 2016 നും ഇടയില് കൊല്ലപ്പെട്ടത്. ഭക്ഷണത്തില് വിഷം കലര്ത്തി നല്കി ജോളി ആറു പേരെയും കൊലപ്പെടുത്തിയെന്നാണ് കേസ്.
