സലാല : ഒമാനിലെ ദോഫാർ ഗവർണറേറ്റിൽ ഖരീഫ് സീസൺ ഇന്ന് ഔദ്യോഗികമായി ആരംഭിച്ചു. സെപ്റ്റംബർ 21 വരെ നീണ്ടുനിൽക്കുന്ന ഈ സീസൺ സലാലയിലെ പ്രകൃതിയുടെയും സഞ്ചാരസൗന്ദര്യത്തിന്റെയും ആഘോഷകാലമാണ്. രാജ്യത്തിനകത്തും പുറത്തുമുള്ള ലക്ഷക്കണക്കിന് സന്ദർശകരെ സ്വാഗതിക്കാൻ ദോഫാറും സർക്കാർ വകുപ്പുകളും മുഴുവൻ സജ്ജമാകുകയാണ്.
മഴ വൈകിയതിനാൽ ഇപ്പോഴത്തെ ദൃശ്യങ്ങൾ ഇനിയും പച്ചപ്പെത്താതെ നിലകൊള്ളുകയാണ്, എന്നാൽ വരുന്ന ആഴ്ചകളിൽ മലനിരകളും താഴ്വാരങ്ങളും നനയുന്ന മഴക്കൊണ്ടും ചാർത്തുന്ന പച്ചകൊണ്ടും സലാലാ ആകർഷകമായി മാറുമെന്ന പ്രതീക്ഷയിലാണ് വിനോദസഞ്ചാരികൾ.
ജിസിസി രാജ്യങ്ങളിലെ കടുത്ത വേനൽചൂടിന് എതിരായി തണുപ്പുള്ള സലാലയിലേക്ക് സന്ദർശകരുടെ ഒഴുക്ക് കൂടുകയാണ്. ഇതിനെ തുടർന്ന് വിമാനക്കമ്പനികൾ ഖരീഫ് സീസൺ പ്രത്യേക സർവീസുകളും ആരംഭിച്ചിട്ടുണ്ട്.
ഒമാൻ വിനോദസഞ്ചാര മന്ത്രാലയം, ദേശീയ സ്ഥിതിവിവര വിഭാഗം എന്നിവയുടെ നേതൃത്വത്തിൽ ഇന്ന് മുതൽ സന്ദർശകരുടെ കണക്കെടുപ്പ് ആരംഭിക്കും. ഗതാഗത സൗകര്യങ്ങൾ, ഭക്ഷ്യവസ്തുക്കളുടെയും ഇന്ധനത്തിന്റെയും ലഭ്യത, വാണിജ്യ സ്ഥാപനങ്ങളുടെ സേവനങ്ങൾ എന്നിവക്കായുള്ള എല്ലാ മുൻകരുതലുകളും ദോഫാർ ഗവർണറേറ്റ്, വാണിജ്യ വ്യവസായ നിക്ഷേപ പ്രോത്സാഹന മന്ത്രാലയം, മറ്റ് വകുപ്പ് സ്ഥാപനങ്ങൾ എന്നിവ നിർദേശിച്ചിട്ടുണ്ട്.
സർക്കാർ, സ്വകാര്യ മേഖലകളുടെ സേവനങ്ങൾ സന്ദർശകർക്കായി കാര്യക്ഷമമായി പ്രവർത്തിക്കുന്നതായും, ഖരീഫ് സീസൺ നേരത്തേ തയാറാക്കിയ വിപണികൾ, ഹോട്ടലുകൾ, ഗതാഗത സംവിധാനങ്ങൾ, ആരോഗ്യ സേവനങ്ങൾ എന്നിവയുമായി സഹകരിച്ച് സുനിശ്ചിതമാക്കുമെന്നും അധികൃതർ അറിയിച്ചു.
സലാലയിലെ തണുത്ത കാലാവസ്ഥ, പച്ചക്കാടുകൾ, ചാറ്റൽമഴ, എന്നിവ ആഘോഷിക്കാൻ ഓരോ വർഷവും എത്തുന്നവർക്കായി ഈ വർഷവും ഖരീഫ് സീസൺ ഒരുങ്ങുകയാണ്.
