കൊച്ചി: ദിവസങ്ങളായി സംസ്ഥാനത്ത് കൊവിഡ് രോഗികളുടെ എണ്ണം ക്രമാതീതമായി വർദ്ധിക്കുന്നതും സാമൂഹ്യവ്യാപനത്തിന്റെ ആശങ്ക നിലനിൽക്കുന്നതും പരിഗണിച്ച് ഹോട്ടലുകളിൽ ഇരുത്തി ഭക്ഷണം വിളമ്പുന്നത് ഒഴിവാക്കാൻ നിർദ്ദേശം.
ഹോട്ടലിനകത്ത് ഇരുത്തി ഭക്ഷണം വിളമ്പുന്നത് കഴിവതും ഒഴിവാക്കാനും പരമാവധി പാഴ്‌സലുകൾ നൽകുവാൻ ശ്രമിക്കണമെന്ന് കേരള ഹോട്ടൽ ആൻഡ് റസ്റ്റോറന്റ് അസോസിയേഷൻ ഹോട്ടലുകൾക്ക് നിർദ്ദേശം നൽകി. ഹോട്ടലുകൾ ആരോഗ്യവകുപ്പ് നൽകുന്ന മാർഗ്ഗനിർദ്ദേശങ്ങൾ കർശനമായി പാലിക്കണം. ഹോട്ടലുടമകളും ജീവനക്കാരും സുരക്ഷാ മുൻകരുതൽ നടപടികൾ സ്വീകരിക്കണമെന്നും നിർദ്ദേശം നൽകിയതായി അസോസിയേഷൻ പ്രസിഡന്റ് മൊയ്തീൻകുട്ടി ഹാജിയും ജനറൽ സെക്രട്ടറി ജി. ജയപാലും അറിയിച്ചു.
