മാവോയിസ്റ്റ് നേതാവ് രൂപേഷിനെതിരായ യുഎപിഎ ചുമത്തണമെന്ന് ആവശ്യപ്പെട്ട് സമര്പ്പിച്ച ഹര്ജി സംസ്ഥാന സര്ക്കാര് സുപ്രീം കോടതിയില് നിന്ന് പിന്വലിക്കുന്നു
തിരുവനന്തപുരം : മാവോയിസ്റ്റ് നേതാവ് രൂപേഷിനെതിരായ യുഎപിഎ ചുമത്തണമെന്ന് ആവശ്യപ്പെട്ട് സമര്പ്പിച്ച ഹര്ജി സംസ്ഥാന സര്ക്കാര് സുപ്രീം കോടതിയില് നി ന്ന് പിന്വലിക്കുന്നു. രൂപേഷിനെതിരാ യ യുഎപിഎ പിന്വലിക്കണമെന്ന് ആവശ്യപ്പെട്ട് സര്ക്കാര് പുതിയ ഹര്ജി നല്കി. സര്ക്കാരിന്റെ അപേ ക്ഷ ജസ്റ്റിസ് എം ആര് ഷായുടെ അധ്യക്ഷതയിലുള്ള ബെഞ്ച് തിങ്കളാഴ്ച പരിഗണിക്കും.
യുഎപിഎ ചുമത്തിയത് റദ്ദാക്കിയ ഹൈക്കോടതി വിധിക്ക് എതിരെ സമര്പ്പിച്ച ഹര്ജിയാണ് പിന്വലി ക്കുന്നത്. കാരണം വ്യക്തമാക്കാതെയാണ് ഹര്ജി പിന്വലിക്കാന് കോടതിയെ സമീപിച്ചിരിക്കുന്നത്. വള യം, കുറ്റ്യാടി പൊലീസ് സ്റ്റേഷനുകളില് രജിസ്റ്റര് ചെയ്തിരുന്ന മൂന്ന് കേസുകളില് രൂപേഷിനെതിരായ യു എപിഎ വകുപ്പുകള് പു നഃസ്ഥാപിക്കണമെന്ന് ആവശ്യപ്പെട്ടാണ് സംസ്ഥാന സര്ക്കാര് നേരത്തെ സുപ്രീം കോടതിയെ സമീപിച്ചിരുന്നത്. കേസുകളുടെ മെറിറ്റിന്റെ അടിസ്ഥാനത്തില് അല്ല ഹൈ ക്കോടതി നടപ ടിയെന്നും സംസ്ഥാന സര്ക്കാര് സുപ്രീംകോടതിയില് വാദിച്ചിരുന്നു.
യുഎപിഎക്കെതിരെ കേന്ദ്രത്തില് നിലപാട് എടുക്കുന്ന പാര്ട്ടിയാണ് സിപിഎം. അതേ പാര്ട്ടി തന്നെ യുഎപിഎ ചുമത്തണമെന്ന് ആവശ്യപ്പെട്ട് ഹര്ജി നല്കിയത് വലിയ വിമര്ശനത്തിനിടയാക്കിയിരുന്നു. സിപിഎം കേന്ദ്ര നേതൃത്വം വിഷയത്തില് ഇടപെട്ട് സംസ്ഥാന സര്ക്കാറിനോട് ഹര്ജി പിന്വലിക്കാന് ആവശ്യപ്പെട്ടതായാണ് വിവരം. ഈ ഒരു സാഹചര്യത്തിലാണ് ഹര്ജി പിന്വലിക്കുന്നത്.
നിരോധിത സംഘടനയുടെ ലഘുലേഖ വിതരണം ചെയ്തുവെന്നാരോപിച്ച് 2013 ല് കുറ്റ്യാടി പൊലീസ് സ്റ്റേ ഷനിലെ രണ്ടു കേസിലും 2014 ല് വളയം പൊലീസ് സ്റ്റേഷനി ല് ഒരു കേസിലുമാണ് രൂപേഷിനെതിരെ യുഎപിഎ നിയമം ചുമത്തിയിരുന്നത്. എന്നാല് യുഎപിഎ അതോറിറ്റിയില് നിന്ന് പ്രോസിക്യുഷന് അനുമതി കൃത്യ സമയത്ത് ലഭിച്ചില്ലെന്ന് ചൂണ്ടിക്കാട്ടി രൂപേഷ് നല്കിയ ഹര്ജിയില് ഹൈക്കോടതി സിംഗിള്, ഡിവിഷന് ബെഞ്ചുകള് അനുകൂല ഉത്തരവുകള് പുറപ്പടുവിക്കുകയായിരുന്നു.
