എറണാകുളം പുത്തന്‍കുരിശ് സ്വദേശി ജയ്രാജ് ആണ് മരിച്ചത്. കുണ്ടറ ചോല വെള്ളച്ചാട്ടത്തില്‍ ശനിയാഴ്ച ഉച്ചയ്ക്ക് രണ്ടു മണിയോടെയാണ് അപകടം
പാലക്കാട്: നെല്ലിയാമ്പതിയില്‍ വെള്ളച്ചാട്ടത്തില്‍ കാല് തെറ്റി വീണ് ഒരാള്‍ മരിച്ചു. എറണാകുളം പുത്തന്‍കുരിശ് സ്വദേശി ജയരാജ് (ജയ്‌മോന്‍ -36) ആണ് മരിച്ചത്. ശനിയാഴ്ച ഉച്ചയ്ക്ക് രണ്ടു മണി യോടെയാണ് അപകടമുണ്ടായത്. കുണ്ടറ ചോല വെള്ളച്ചാട്ടത്തില്‍ ശനിയാഴ്ച ഉച്ചയ്ക്ക് രണ്ടു മണി യോടെയാണ് അപകടമുണ്ടായത്.
എറണാകുളം സ്വദേശികളായി മൂന്ന് പേരാണ് ഇവിടം സന്ദര്‍ശിക്കാനെത്തിയത്. നെല്ലിയാമ്പ തി യില്‍ പോയി തിരിച്ചവരുന്നതിനിടെ വെള്ളച്ചാട്ടം കാണാനെത്തിയപ്പോഴായിരുന്നു അപകടം സം ഭവിച്ചത്.വെള്ളച്ചാട്ടത്തിന് സമീപമുള്ള പാറയില്‍ പിടിച്ച് കയറാന്‍ ശ്രമിക്കുന്നതിനിടെ യുവാവ് കാല് തെന്നി വെള്ളത്തിലേക്ക് പതിക്കുകയായിരുന്നു എന്ന് കൂടെയുണ്ടായിരുന്നവര്‍ പറഞ്ഞു. വെള്ളച്ചാട്ടത്തിന്റെ ദൃശ്യങ്ങള്‍ സുഹൃത്തുക്കള്‍ മൊബൈല്‍ ഫോണില്‍ പകര്‍ത്തുന്നതിനിടെയാ ണ് ജയ് മോഹന്‍ പാറയില്‍ പിടിച്ച് കയറുന്നത് കണ്ടത്.
നെന്മാറയില്‍നിന്നും നെല്ലിയാമ്പതിയില്‍നിന്നും പോലീസ് സംഘങ്ങളും ആലത്തൂരില്‍നിന്ന് ഫയര്‍ഫോഴ്സും എത്തി നടത്തിയ തിരച്ചിലിലാണ് മൃതദേഹം കണ്ടെത്തിയത്.
