English हिंदी

Blog

ഓഹരി വിപണി ഒരു നിശ്ചിത പരിധിക്കുള്ളില്‍ നീങ്ങുന്നതാണ്‌ പോയ വാരം കണ്ടത്‌. നിഫ്‌റ്റി 10,553 പോയിന്റ്‌ വരെ ഉയര്‍ന്നെങ്കിലും ഈ നിലവാരത്തില്‍ ശക്തമായ സമ്മര്‍ദമാണുള്ളത്‌. 10,500 നിലവാരത്തില്‍ ലാഭമെടുപ്പ്‌ ദൃശ്യമാവുകയാണ്‌ ചെയ്‌തത്‌.

പോയ വാരം ബാങ്കിംഗ്‌ ഓഹരികള്‍ ശക്തമായ ചാഞ്ചാട്ടമാണ്‌ നേരിട്ടത്‌. അതേ സമയം ഓട്ടോ, ഐടി മേഖലകള്‍ വിപണിയ്‌ക്ക്‌ തുണയേകി.

കാളകളും കരടികളും തമ്മിലുള്ള പോര്‌ എന്നതിനേക്കാള്‍ ധനലഭ്യതയും സമ്പദ്‌വ്യവസ്ഥ നേരിടുന്ന ദൗര്‍ബല്യങ്ങളും മുഖാമുഖം നില്‍ക്കുന്ന കാഴ്‌ചയാണ്‌ ഇപ്പോള്‍ കാണുന്നത്‌. കാളകള്‍ വിപണിയെ മുകളിലേക്ക്‌ നയിക്കുമ്പോള്‍ ആഗോള സൂചനകളെ മുന്‍നിര്‍ത്തി ലാഭമെടുപ്പ്‌ ദൃശ്യമാവുകയാണ്‌ ചെയ്യുന്നത്‌. ഈയിടെയായി യുഎസ്‌ വിപണിയുടെ ഗതി പിന്തുടരുകയാണ്‌ ഇന്ത്യന്‍ വിപണി ചെയ്യുന്നത്‌. യുഎസിലെ കോവിഡ്‌ രോഗ ബാധിതരുടെ എണ്ണവും മരണവും ക്രമാതീതമായി വര്‍ധിച്ചതാണ്‌ കഴിഞ്ഞ ദിവസങ്ങളില്‍ വിപണിയെ ചാഞ്ചാട്ടത്തിലേക്ക്‌ നയിച്ചത്‌.

Also read:  ലോക്ക്ഡൗൺ ആറാം ഘട്ടത്തിലേക്ക് ; വിദ്യാഭ്യാസ സ്ഥാപനങ്ങൾ ജൂലൈ 31 വരെ അടച്ചിടും

മികച്ച മണ്‍സൂണ്‍ ലഭിക്കുമെന്ന പ്രതീക്ഷയാണ്‌ ആഭ്യന്തര വിപണിയെ തുണക്കുന്ന ഒരു അനുകൂല ഘടകം. മികച്ച മഴ ലഭിക്കുന്നത്‌ കാര്‍ഷിക ഉല്‍പ്പാദനം മെച്ചപ്പെടുന്നതിനും ഗ്രാമീണ സമ്പദ്‌വ്യവസ്ഥ വളര്‍ച്ച കൈവരിക്കുന്നതിനും വഴിവെക്കും. ഗ്രാമീണ സമ്പദ്‌വ്യവസ്ഥയില്‍ ഇതിനകം ശുഭലക്ഷണങ്ങള്‍ കണ്ടു തുടങ്ങിയിട്ടുണ്ട്‌. ഗ്രാമീണ മേഖലയില്‍ ഡിമാന്റ്‌ മെച്ചപ്പെട്ടു. അതേ സമയം ആഗോള തലത്തില്‍ കോവിഡ്‌ ഭീതി അയവില്ലാതെ തുടരുന്നതും രാജ്യത്തിന്‌ അകത്ത്‌ കോവിഡ്‌ രോഗികളുടെ എണ്ണം കൂടി കൊണ്ടിരിക്കുന്നതും പ്രതികൂല ഘടകമാണ്‌.

Also read:  മ്യൂച്വല്‍ ഫണ്ടിന്റെ പ്രകടനം മോശമായാല്‍ എന്തു ചെയ്യണം?

നിഫ്‌റ്റിക്ക്‌ 10,550 പോയിന്റില്‍ ശക്തമായ സമ്മര്‍ദമുണ്ട്‌. കഴിഞ്ഞ വാരം കാളകള്‍ 10,550 പോയിന്റില്‍ വിപണിയെ എത്തിച്ചെങ്കിലും ആഗോള തലത്തിലെ വില്‍പ്പന സമ്മര്‍ദം മൂലം ഈ നിലവാരം ഭേദിക്കാന്‍ സാധിച്ചില്ല.

Also read:  രാജ്യത്ത് രോഗികള്‍ കൂടുന്നു ; ഇന്നലെ 45,892 പേര്‍ക്ക് കോവിഡ്, പ്രതിദിന കണക്കില്‍ കേരളം മുന്നില്‍, ചികിത്സയിലുള്ളവര്‍ നാലരലക്ഷം

നിഫ്‌റ്റി 9500നും 10,550നും ഇടയിലുള്ള റേഞ്ചില്‍ വരുന്ന വാരവും നീങ്ങാനാണ്‌ സാധ്യത. ലിക്വിഡിറ്റി മൂലം കുതിക്കുന്നതിനേക്കാള്‍ ഈ നിലവാരത്തില്‍ നിലയുറപ്പിക്കുന്നതാണ്‌ വിപണിയെ സംബന്ധിച്ചിടത്തോളം ആരോഗ്യകരം. ലിക്വിഡിറ്റി ശക്തമായതിനാല്‍ അടിസ്ഥാന ഘടകങ്ങളെ വിപണി കണക്കിലെടുക്കാന്‍ അല്‍പ്പം കൂടി സമയമെടുക്കും. നിഫ്‌റ്റി ധനലഭ്യതയുടെ മാത്രം അടിസ്ഥാനത്തില്‍ കുതിച്ചുകയറ്റം തുടര്‍ന്നാല്‍ ഏതെങ്കിലും പ്രതികൂല വാര്‍ത്ത ശക്തമായ ഇടിവിന്‌ കാരണമായേക്കാം.