അമ്മയറിയാതെ കുഞ്ഞിനെ തട്ടിക്കൊണ്ടുപോയി ദത്ത് നല്കിയ കേസില് കുഞ്ഞിന്റെ വൈദ്യ പരി ശോധന തുടങ്ങി. ഡിഎന്എ പരിശോധനയ്ക്ക് കുഞ്ഞിന്റെ സാമ്പിള് ശേഖരിച്ചു
തിരുവനന്തപുരം: അമ്മയറിയാതെ കുഞ്ഞിനെ തട്ടിക്കൊണ്ടുപോയി ദത്ത് നല്കിയ കേസില് കുഞ്ഞി ന്റെ വൈദ്യ പരിശോധന തുടങ്ങി. ഡിഎന്എ പരിശോധനയ്ക്ക് കുഞ്ഞിന്റെ സാമ്പിള് ശേഖരിച്ചു. ഇതിനാ യി അജിത്തിന്റെയും അനുപമയുടെയും സാമ്പിളുകള് ശേഖരിച്ചു.രാജീവ്ഗാന്ധി സെന്റര് ഫോര് ബയോ ടെക്നോളജിയിലാണ് ഡിഎന്എ പരിശോധന നടത്തുക. രണ്ടു ദിവസത്തിനുള്ളില് നടപടികള് പൂര് ത്തീകരിയ്ക്കാനാണ് ശ്രമം.
കേസില് പരാതിക്കാരായ അനുപമയും അജിത്തും ഇന്ന് സിഡബ്ല്യുസിക്ക് മുന്നില് ഹാജരാകും. കുഞ്ഞി നെ കാണാന് അനുവദിക്കണമെന്ന് അനുപമ ആവശ്യപ്പെട്ടു. കുഞ്ഞിന്റെയും തന്റെയും ഡിഎന്എ പരി ശോധന ഒരുമിച്ചാക്കണമെന്നാണ് അനുപമയുടെ ആവശ്യം.കുഞ്ഞിനെ കാണാന് ഇതുവരെ സമ്മതിച്ചി ല്ല.ഡിഎന്എ പരിശോധനയ് ക്ക് മുന്പ് കുഞ്ഞിനെ കാണണം. തന്റെ കുഞ്ഞിനെ തന്നെ പരിശോധനയ്ക്ക് എത്തിക്കുമെന്ന് എന്താണ് ഉറപ്പ്? ഇത്രയും ചെയ്തവര്ക്ക് പരിശോധനയില് തിരിമറി നടത്താനാവും. വ്യ ക്തിവൈരാഗ്യം കൊണ്ടാണ് പരിശോധന വൈകിപ്പിക്കുന്നതെന്നും അനുപമ പറഞ്ഞു.
ഇന്നലെ രാത്രി എട്ടരയ്ക്കാണ് ആന്ധ്രയിലെ ദമ്പതികളില് നിന്നും ഏറ്റുവാങ്ങിയ കുഞ്ഞിനെ ഉദ്യോഗസ്ഥര് തിരുവനന്തപുരത്ത് എത്തിച്ചത്. നിര്മല ശിശുഭവനിലാണ് കുഞ്ഞിനു സംരക്ഷണം ഒരുക്കിയിരിക്കുന്ന ത്. ജില്ല ചൈല്ഡ് പ്രൊട്ടക്ഷന് ഓഫീസര്ക്കാണ് കുഞ്ഞിന്റെ സംരക്ഷണ ചുമതല. കുഞ്ഞിനെ ആന്ധ്രാ ദമ്പതികളില് നിന്നും എത്തിച്ചെന്ന റിപ്പോര്ട്ട് ശിശുക്ഷേമ സമിതിയും വൈദ്യ പരിശോധനാ റിപ്പോര്ട്ട് ചൈല്ഡ് പ്രൊട്ടക്ഷന് ഓഫീസറും ചൈല്ഡ് വെല്ഫെയര് കമ്മറ്റിക്ക് സമര്പ്പിക്കും.
ഈ മാസം 30നാണ് കോടതി വീണ്ടും കേസ് പരിഗണിക്കുക. ഇതിന് മുന്പായി നടപടിക്രമങ്ങള് പൂര്ത്തി യാക്കി ഡിഎന്എ പരിശോധനാഫലം അടക്കമുള്ള അന്തിമ റിപ്പോര്ട്ടുകള് സമര്പ്പിക്കേണ്ടതുണ്ട്.
