സംസ്ഥാനത്ത് കോവിഡ് നിയന്ത്രണങ്ങള് നീക്കി സംസ്ഥാന സര്ക്കാര്. ഇതു പ്രകാരം ജില്ലകളെ കാറ്റഗറി തിരിക്കുന്നത് അവസാനിപ്പിച്ചു. സംസ്ഥാനത്തെ തീയേറ്ററുകളില് 100 ശതമാനം സീറ്റുകളിലും പ്രവേശനം അനുവദിച്ചതായും സര്ക്കാര് വ്യക്തമാക്കി
തിരുവനന്തപുരം: സംസ്ഥാനത്ത് കോവിഡ് നിയന്ത്രണങ്ങളില് കുടുതല് ഇളവുകള് പ്രഖ്യാപിച്ച് സം സ്ഥാന സര്ക്കാര്. ഇതു പ്രകാരം ജില്ലകളെ കാറ്റഗറി തിരിക്കുന്നത് അവസാനിപ്പിച്ചു. സംസ്ഥാനത്തെ തീയേറ്ററുകളില് 100 ശതമാനം സീറ്റുകളിലും പ്രവേശനം അനുവദിച്ചതായും സര്ക്കാര് വ്യക്തമാക്കി.
ആശുപത്രികളില് ചികിത്സയില് കഴിയുന്ന രോഗികളുടെ എണ്ണത്തിന്റെ അടിസ്ഥാനത്തില് ജില്ലകളെ കാറ്റഗറി തിരിച്ച് നിയന്ത്രണം ഏര്പ്പെടുത്തിയിരുന്നത് ഒഴിവാക്കി. പാതുപരിപാടികളില് പരമാവധി പങ്കെടുക്കാവുന്നവരുടെ എണ്ണം 1500 ആക്കി.
തീയറ്ററുകള്ക്ക് പുറമെ ബാറുകള്, ക്ലബുകള്, ഹോട്ടലുകള്, റസ്റ്റോറന്റുകള്, മറ്റ് ഭക്ഷണശാലകളിലു മെ ല്ലാം 100 ശതമാനം സീറ്റിലും ആളെ പ്രവേശിപ്പിക്കാന് അനുവാദം നല്കി.സര്ക്കാര് അര്ദ്ധസര്ക്കാര് പൊതുമേഖലാ സ്ഥാപനങ്ങളിലെ യോഗങ്ങള് ഓഫ്ലൈനായി നടത്താം. എല്ലാ പൊതുയോഗങ്ങളിലും 1500 പേരെ വരെ പ്രവേശിപ്പിക്കാ ന് അനുമതിയുണ്ട്.
അതേസമയം സംസ്ഥാനത്ത് ഇന്ന് 2524 പേര്ക്ക് കോവിഡ് സ്ഥിരീകരിച്ചു. എറണാകുളം 393, തിരുവനന്തപുരം 356, കോട്ടയം 241, കോഴിക്കോട് 220, കൊല്ലം 215, തൃശൂര് 205, ഇടുക്കി 160, പത്തനംതിട്ട 142, ആലപ്പുഴ 137, കണ്ണൂര് 121, മലപ്പുറം 113, വയനാട് 101, പാലക്കാട് 96, കാസര്ഗോഡ് 24 എന്നിങ്ങനേ യാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
കഴിഞ്ഞ 24 മണിക്കൂറിനിടെ 34,680 സാമ്പിളുകളാണ് പരിശോധിച്ചത്.സംസ്ഥാനത്തെ വിവിധ ജില്ലകളി ലായി 1,05,780 പേരാണ് ഇപ്പോള് നിരീക്ഷണത്തിലുള്ളത്. ഇവരില് 1,03,592 പേര് വീട്/ഇന്സ്റ്റിറ്റിയൂഷ ണല് ക്വാറന്റൈനിലും 2188 പേര് ആശുപത്രികളിലും നിരീക്ഷണത്തിലാണ്. 258 പേരെയാണ് പുതുതാ യി ആശുപത്രിയില് പ്രവേശിപ്പിച്ചത്.
നിലവില് 29,943 കോവിഡ് കേസുകളില്, 7.2 ശതമാനം വ്യക്തികള് മാത്രമാണ് ആശുപത്രി/ഫീല്ഡ് ആ ശുപത്രികളില് പ്രവേശിപ്പിക്കപ്പെട്ടിട്ടുള്ളത്. കഴിഞ്ഞ 24 മണിക്കൂറിനിടെ 3 മരണങ്ങളാണ് കോവിഡ് മൂല മാണെന്ന് സ്ഥിരീകരിച്ചത്. ഇതുകൂടാതെ മുന് ദിവസങ്ങളില് മരണപ്പെടുകയും എന്നാല് രേഖകള് വൈ കി ലഭിച്ചത് കൊണ്ടുള്ള 13 മരണങ്ങളും സുപ്രീം കോടതി വിധിപ്രകാരം കേന്ദ്രസര്ക്കാരിന്റെ പുതിയ മാര് ഗ നിര്ദേശമനുസരിച്ച് അപ്പീല് നല്കിയ 46 മരണങ്ങളും റിപ്പോര്ട്ട് ചെയ്തിട്ടുണ്ട്. ഇതോടെ സംസ്ഥാ ന ത്തെ ആകെ മരണം 65,223 ആയി.
