കേന്ദ്ര ഏജന്സികള്ക്കെതിരെ കേസെടുത്തും ജുഡീഷ്യല് അന്വേഷണ പ്രഖ്യാപനം നടത്തിയും സ്വര്ണക്കടത്ത് ഉള്പ്പെടെയുള്ള വിഷയങ്ങളില് മുഖ്യമന്ത്രിയുടെ പങ്ക് ചര്ച്ചയാകാതിരിക്കാനുള്ള പാഴ്ശ്രത്തിന്റെ ഭാഗമാണെന്നു മുല്ലപ്പള്ളി
തിരുവനന്തപുരം : മുഖ്യമന്ത്രിക്കെതിരെ മൊഴിനല്കാന് സ്വര്ണക്കടത്തു കേസിലെ പ്രതി സ്വപ്ന സുരേഷിന് മേല് ഇഡി ഉദ്യോഗസ്ഥര് സമ്മര്ദ്ദം ചെലുത്തി എന്ന് മൊഴി നല്കിയ വനിതാപോലീസ് ഉദ്യോഗസ്ഥരുമായി സിപിഎം ഗൂഢാലോചന നടത്തിയെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്. സ്വപ്ന സുരേഷിന് മേല് ഇഡി ഉദ്യോഗസ്ഥര് സമ്മര്ദ്ദം ചെലുത്തിയെന്നായിരുന്നു വനിതാ പൊലീസ് ഉദ്യോഗസ്ഥരായ സിജി വിജയനും റെജിമോളും വെളിപ്പെടുത്തിയത്. ഇതിന്റെ പേരിലാണ് മുഖ്യമന്ത്രി ഇടപെട്ട് കേന്ദ്ര ഏജന്സികള്ക്കെതിരെ സംസ്ഥാന പൊലിസ് കൊണ്ട് കേസെടുപ്പിച്ചതും ജുഡീഷ്യല് അന്വേഷണം പ്രഖ്യാപിച്ചതും.
എന്നാല് സ്വപ്ന സുരേഷിന് മേല് ഇഡി ഉദ്യോഗസ്ഥര് സമ്മര്ദ്ദം ചെലുത്തിയത് കേട്ടുവെന്ന് പറയു ന്ന വനിതാ പൊലീസ് ഉദ്യോഗസ്ഥരുടെ അസാന്നിധ്യത്തിലാണ് സ്വപ്നയെ ചോദ്യം ചെയതെന്നു കോടതി രേഖകളില് വ്യക്തമാണെന്ന് മുല്ലപ്പള്ളി ചൂണ്ടിക്കാട്ടി. സിജി വിജയനും റെജി മോളും മുഖ്യമന്ത്രിക്ക് സഹായകരമായ മൊഴി നല്കിയതിന് പിന്നില് സിപിഎമ്മിന്റെ ഗൂഢാലോച നയുണ്ടെന്നും ഇക്കാര്യത്തില് അന്വേഷണം നടത്തണമെന്ന് മുല്ലപ്പള്ളി ആവശ്യപ്പെട്ടു. വനിതാ പൊലീസുകാര് ഇത്തരം മൊഴിനല്കിയതിന് പിന്നില് സിപിഎമ്മിന്റെ ശക്തമായ പിന്തുണ യുണ്ടെന്നും വ്യക്തമാണ്. കേന്ദ്ര, സംസ്ഥാന സര്ക്കാരുകള് നേര്ക്ക്നേര് എന്ന് വരുത്തി തീര്ക്കാ നുള്ള സിപിഎമ്മിന്റെയും ബിജെപിയുടെയും രാഷ്ട്രീയ തന്ത്രമാണിത്. ബിജെപി-സിപിഎം അന്തര്ധാരയുടെ ഭാഗമാണ് ഈ അസാധാരണ സംഭവങ്ങളെന്നും മുല്ലപ്പള്ളി പറഞ്ഞു.
സിപിഎം മറുപടിയേണ്ട പ്രധാന വിഷയങ്ങളില് നിന്നും ജനശ്രദ്ധ തിരിക്കാന് മുഖ്യമന്ത്രി ഓരോ അടവുതന്ത്രം പയറ്റുകയാണെന്നും മുല്ലപ്പള്ളി ആരോപിച്ചു.
