പാര്ട്ടി നേതാക്കള് തന്നെ ക്രൂര പീഡനങ്ങള്ക്ക് ഇരയാക്കിയെന്നും നേതാക്കളുടെ ഉദ്ദേശം അറിയില്ലായിരുന്നുവെന്നും അനന്യ പറയുന്നു
മലപ്പുറം: സംസ്ഥാനത്തെ ഏക ട്രാന്സ്ജെന്ഡര് സ്ഥാനാര്ത്ഥി അനന്യ കുമാരി അലക്സ് മത്സര രംഗത്തു നിന്ന് പിന്മാറി. വേങ്ങര മണ്ഡലത്തില് ഡെമോക്രാറ്റിക് സോഷ്യല് ജസ്റ്റിസ് പാര്ട്ടി സ്ഥാനാ ര്ഥിയായി രംഗത്തെത്തിയ അനന്യ നേതാക്കള്ക്കെതിരെ ഗുരുതര ആരോപണം ഉന്നയിച്ചാണു മത്സരരംഗത്തു നിന്ന് പിന്മാറിയത്. പാര്ട്ടി നേതാക്കള് തന്നെ ക്രൂര പീഡനങ്ങള്ക്ക് ഇരയാക്കി യെന്നാണ് അനന്യയുടെ ആരോപണം.
ട്രാന്സ്ജെന്ഡറുകള്ക്ക് സമൂഹത്തില് കൂടുതല് ഇടം കിട്ടാനായാണ് മത്സരിക്കാനി റങ്ങിയതെ ന്നും എന്നാല് ഡെമോക്രാറ്റിക് സോഷ്യല് ജസ്റ്റിസ് പാര്ട്ടി നേതാക്കളുടെ ഉദ്ദേശം അറിയില്ലായി രുന്നുവെന്നും അനന്യ പറയുന്നു. ജസ്റ്റിസ് പാര്ട്ടി തട്ടിക്കൂട്ട് പാര്ട്ടിയാണെന്നും വേങ്ങര മണ്ഡല ത്തില് തന്നെ മത്സരത്തിനായി തെരഞ്ഞെടുത്തത് പബ്ലിസിറ്റിക്ക് വേണ്ടിയാണെന്നും അനന്യ വ്യക്തമാക്കി. തെരഞ്ഞെടുപ്പില് നിന്ന് സ്വമേധയാ പിന് മാറുന്നതായും ആരും തന്റെ പേരില് ഡി.എസ്.ജെ.പി പാര്ട്ടിക്ക് വോട്ട് ചെയ്യരുതെന്നും അനന്യ ആവശ്യപ്പെട്ടു.സാമൂഹ്യ മാധ്യമ ങ്ങളിലൂടെ മത്സരത്തില് നിന്ന് പിന്മാറിയ വിവരം പ്രഖ്യാപിച്ചെങ്കിലും സ്ഥാനാര്ത്ഥി പട്ടികയില് അനന്യകുമാരിയുടെ പേരുണ്ടാകും.
വേങ്ങരയടക്കം പത്ത് മണ്ഡലങ്ങളിലാണ് ഡെമോക്രറ്റിക് സോഷ്യല് ജസ്റ്റിസ് പാര്ട്ടി സ്ഥാനാര് ത്ഥികളെ പ്രഖ്യാപിച്ചിരുന്നത്. കൊല്ലം പെരുമണ് സ്വദേശിനിയായ അനന്യ നിയമസഭയിലേക്ക് ജനവിധി തേടുന്ന ആദ്യ ട്രാന്സ്ജെന്ഡര് സ്ഥാനാര്ഥിയായിരുന്നു. മേക്കപ്പ് ആര്ട്ടിസ്റ്റും വാര്ത്താ അവതാരകയും കേരളത്തിലെ ആദ്യ ട്രാന്സ് ജെന്ഡര് റേഡിയോ ജോക്കിയും കൂടിയാണ് അനന്യ.
