234 അംഗ നിയമസഭയില് 234 സീറ്റുകളിലെയും ലീഡുനില പുറത്തുവരുമ്പോള് 132 മണ്ഡലങ്ങളിലാണ് ഡി.എം.കെയുടെ മുന്നേറ്റം
ചെന്നൈ : തമിഴ്നാട്ടില് പത്തു വര്ഷത്തിനു ശേഷം ദ്രാവിഡ രാഷ്ട്രീയത്തില് അധികാരം ഉറപ്പിക്കാനൊരുങ്ങുകയാണ് ഡി.എം.കെ. ഇതോടെ മുത്തുവേല് കരുണാനിധിയുടെ മകന് സ്റ്റാലിന് മുഖ്യമന്ത്രി പദത്തിലേക്ക് ആദ്യമായി നടന്നടുക്കുകയാണ്.
234 അംഗ നിയമസഭയില് 234 സീറ്റുകളിലെയും ലീഡുനില പുറത്തുവരുമ്പോള് 132 മണ്ഡലങ്ങളിലാണ് ഡി.എം.കെയുടെ മുന്നേറ്റം. 101 സീറ്റുക ളില് എ.ഐ.എ.ഡി.എം.കെ ലീഡ് ചെയ്യുന്നു. താരമണ്ഡലമായ കോയമ്പത്തൂര് സൗത്തില് മക്കള് നീതി മയ്യം പ്രസിഡന്റ് കമല്ഹാസനാണ് ലീഡ് ചെയ്യുന്നത്. കോയമ്പത്തൂര് സൗത്തില് മാത്രമാണ് എം.എന്.എം മുന്നിലുള്ളത്.
അന്തിമ ഫലം വരുമ്പോള് കിട്ടിയ വോട്ടുവിഹിതം എത്രയെന്നത് ചര്ച്ചയാവും. കഴിഞ്ഞ ലോക്സഭ തെരഞ്ഞെടുപ്പില് ലഭിച്ച നാലു ശതമാനം ഉയര്ത്താന് കഴിയുമോ എന്നതാണ് സുപ്രധാനമായ ചോദ്യം. ഇത് കമന്ഹാസന്റെ രാഷ്ട്രീയ ഭാവിയെയും നിര്ണയിക്കും.
