മരുത്തടി കന്നിമേല്‍ചേരി ഓംചേലില്‍ കിഴക്കതില്‍ ഉണ്ണിയുടെ മകന്‍ വിഷ്ണു (29) ആണ് കൊല്ലപ്പെട്ടത്. സംഭവുമായി ബന്ധപ്പെട്ട് പള്ളിക്കാവ് സ്വദേശിയും കാവനാട് മാര്‍ക്കറ്റിലെ ഇറച്ചിവെട്ടുകാരന്‍ പ്രകാശിനെയും മകന്‍ രാജപാണ്ഡ്യനെയും പൊലീസ് അറസ്റ്റ് ചെയ്തു
കൊല്ലം : വാക്കേറ്റത്തെ തുടര്‍ന്ന് ഇറച്ചിവെട്ടുകാരനും മകനും ചേര്‍ന്ന് യുവാവിനെ വെട്ടിക്കൊന്നു. കൊല്ലം പള്ളിക്കാവ് ജവാന്‍ ജംങ്ഷനിലാണ് യുവാവ് ദാരുമായി കൊല്ലപ്പെട്ടത്. മരുത്തടി കന്നി മേല്‍ചേരി ഓംചേലില്‍ കിഴക്കതില്‍ ഉണ്ണിയുടെ മകന്‍ വിഷ്ണു (29) ആണ് കൊല്ലപ്പെട്ടത്. സംഭവു മായി ബന്ധപ്പെട്ട് പള്ളിക്കാവ് സ്വദേശിയും കാവനാട് മാര്‍ക്കറ്റിലെ ഇറച്ചിവെട്ടുകാരന്‍ പ്രകാശിനെ യും മകന്‍ രാജപാണ്ഡ്യനെയും പൊലീസ് അറസ്റ്റ് ചെയ്തു.
രാവിലെ വിഷ്ണുവും പ്രകാശും തമ്മില്‍ കരിമ്പോലില്‍ കുളത്തിന് സമീപത്തുവച്ച് വാക്കുതര്‍ക്കമു ണ്ടാവുകയും അടിപിടി നടക്കുകയും ചെയ്തതായി പറയുന്നു. ഇതിനു ശേഷം വീട്ടിലേക്ക് പോയ പ്രകാശ് ഉച്ചയോടെ മകന്‍ രാജപാണ്ഡ്യനൊപ്പം ബൈക്കില്‍ തിരിച്ചെത്തി. തുടര്‍ന്ന് ഇറച്ചി വെട്ടാന്‍ ഉപയോഗിക്കുന്ന കത്തി കൊണ്ട് വിഷ്ണുവിന്റെ നെഞ്ചത്ത് കുത്തുകയായിരുന്നു.
സംഭവത്തിനു ശേഷം പ്രതികള്‍ ബൈക്ക് ഉപേക്ഷിച്ച് സംഭവ സ്ഥലത്ത് നിന്നും രക്ഷപ്പെട്ടു. ചോര വാര്‍ന്ന് റോഡില്‍ കിടന്ന വിഷ്ണുവിനെ ശക്തികുളങ്ങര പൊലീസ് എത്തിയാണ് ജില്ലാ ആശുപത്രി യിലേക്ക് കൊണ്ടുപോയെങ്കിലും രക്ഷിക്കാനായില്ല. പിന്നീട് സിറ്റി പൊലീസ് കമ്മീഷണര്‍ ടി നാരായ ണന്റെ നിര്‍ദേശമനുസരിച്ച് അസിസ്റ്റന്റ് കമ്മീഷണര്‍ ടി ബി വിജയന്റെ നേതൃത്വത്തില്‍ നടത്തിയ സംയുക്ത പരിശോധനയില്‍ പ്രതികളെ അറസ്റ്റ് ചെയ്യുകയായിരുന്നു.
