എയർ ഇന്ത്യയുടെ ട്രിച്ചി–ഷാർജ വിമാനത്തിന് സാങ്കേതിക തകരാർ; തിരിച്ചിറക്കാൻ ശ്രമം.

ചെന്നൈ : എയർ ഇന്ത്യയുടെ ട്രിച്ചി–ഷാർജ വിമാനത്തിന് സാങ്കേതിക തകരാർ ഉണ്ടായതിനെ തുടർന്ന് തിരിച്ചിറക്കാൻ ശ്രമം തുടരുന്നു.  141 യാത്രക്കാരാണ് വിമാനത്തിലുള്ളത്. ഏറെനേരം കഴിഞ്ഞിട്ടും വിമാനം താഴെയിറക്കാൻ കഴിയാത്തത് ആശങ്കയുണ്ടാക്കുന്നതായി പ്രാദേശിക മാധ്യമങ്ങൾ റിപ്പോർട്ടു ചെയ്തു.
ട്രിച്ചി വിമാനത്താവളത്തിൽ ജാഗ്രതാ നിർദേശം നൽകി. ആംബുലൻസുകൾ സജ്ജമാക്കി. വൈകിട്ട് 5.40ന് പറന്നുയർന്ന വിമാനത്തിനാണ് സാങ്കേതിക തകരാർ ഉണ്ടായത്. കഴിഞ്ഞ ഒരു മണിക്കൂറായി വിമാനം ട്രിച്ചി വിമാനത്താവളത്തിന് മുകളിൽ വട്ടമിട്ട് പറക്കുകയാണ്. ലാൻഡിങ് ഗിയറിന് പ്രശ്നങ്ങളുള്ളതായാണ് ലഭിക്കുന്ന വിവരം. 8.20ന് ഷാർജയിൽ എത്തേണ്ടതായിരുന്നു.