നടനെന്ന നിലയില് തന്റെ സിനിമാ ജീവിതത്തില് ഒരുപാട് സഹായിച്ച കഥാപാത്രങ്ങള് അദ്ദേഹത്തിന്റേതാണെന്നും അപ്രതീക്ഷിത വിടവാങ്ങല് വിശ്വസിക്കാന് കഴിയാത്ത അവസ്ഥയിലാണെന്നും മലയാളത്തിന്റെ പ്രിയതാരം നടന് മോഹന്ലാസല്
കൊച്ചി: നടനെന്ന നിലയില് തന്റെ സിനിമാ ജീവിതത്തില് ഒരുപാട് സഹായിച്ച കഥാപാത്രങ്ങള് അദ്ദേഹത്തിന്റേതാണെന്നും അപ്രതീക്ഷിത വിടവാങ്ങല് വിശ്വസിക്കാന് കഴിയാത്ത അവസ്ഥ യിലാണെന്നും മലയാളത്തിന്റെ പ്രിയതാരം നടന് മോഹന്ലാസല്. അന്തരിച്ച പ്രശസ്ത തിരക്ക ഥാകൃത്ത് ഡെന്നീസ് ജോസഫിനൊപ്പമുള്ള ഓര്മ്മകള് പങ്ക്വെച്ച് മോഹന്ലാല് ഫേസ്ബുക്കില് കുറിച്ചു:
വിന്സെന്റ് ഗോമസിനെ പോലുള്ള ഒരുപാട് കഥാപാത്രങ്ങളെ തന്ന എഴുത്തുകാരന് തന്നെയാണ് അദ്ദേഹം. അദ്ദേഹം സംവിധാനം ചെയ്ത സിനിമകളിലും അഭിനയിച്ചിട്ടുണ്ടെന്നും വളരെ ഞെട്ടി ക്കുന്ന വാര്ത്തയാണ് അദ്ദേഹത്തിന്റെ അപ്രതീക്ഷിത വിയോഗമെന്ന് മോഹന്ലാല് പറഞ്ഞു.
വല്ലാത്തൊരു സമയത്താണ് അദ്ദേഹത്തിന്റെ വിയോഗം. രാജാവിന്റെ മകന് എന്ന സിനിമയിലൂടെ വലിയ മാറ്റം മലയാള സിനിമയില് കൊണ്ടുവന്ന വ്യക്തിയാണ്. മോഹന്ലാല് എന്ന നടന് അറിയ പ്പെടുന്ന രാജാവിന്റെ മകനിലെ വിന്സന്റ് ഗോമസ് എന്ന കരുത്തനായ ഡോണ് കഥാപാത്രം അദ്ദേഹത്തിന്റെ സൃഷ്ടിയായിരുന്നു. ആ കഥാപാത്രത്തെ ഇന്നും ജനം ഓര്മ്മിപ്പിക്കുന്നു. അത് അദ്ദേഹത്തിന്റെ വലിയ വിജയമാണ്.
തിരക്കഥാലോകത്തെ രാജാവായിരുന്നു ഡെന്നീസ്. ആ രാജാവിന്റെ മക്കളായി പിറന്ന ഒട്ടേറേ കഥാ പാത്രങ്ങള്ക്ക് ജീവന് നല്കാനുള്ള ഭാഗ്യം സിദ്ധിച്ച ഒരാളാണ് ഈ ഞാനും. എന്റെ പ്രിയപ്പെട്ട ഡെന്നീസിനുവേണ്ടി ഈ വരികള് കുറിയ്ക്കുമ്പോള് ഓര്മ്മകള് ക്രമം തെറ്റി വന്ന് കൈകള് പിടിച്ചു മാറ്റുന്നപോലെയാണ് തോന്നുന്നതെന്ന് അദ്ദേഹം ഫേസ് ബുക്കില് കുറിച്ചു.
ഫേസ്ബുക്ക് കുറിപ്പിന്റെ പൂര്ണ രൂപം
എന്റെ പ്രിയപ്പെട്ട ഡെന്നീസിനുവേണ്ടി ഈ വരികള് കുറിയ്ക്കുമ്പോള് ഓര്മ്മകള് ക്രമം തെറ്റി വന്ന് കൈകള് പിടിച്ചു മാറ്റുന്നപോലെയാണ് തോന്നുന്നത്. തിരക്കഥാലോകത്തെ രാജാവായിരുന്നു ഡെന്നീസ്. ആ രാജാവിന്റെ മക്കളായി പിറന്ന ഒട്ടേറേ കഥാപാത്രങ്ങള്ക്ക് ജീവന് നല്കാനുള്ള ഭാഗ്യം സിദ്ധിച്ച ഒരാളാണ് ഈ ഞാനും.
സൗമ്യമായ പുഞ്ചിരിയില് ഒളിപ്പിച്ചുവെച്ച, തിരിച്ചൊന്നും പ്രതീക്ഷിക്കാതിരുന്ന സ്നേഹമായിരുന്നു ഡെന്നീസ്. വെള്ളിത്തിരകളെ ത്രസിപ്പിക്കുന്ന എത്രയെത്ര ചടുലന് കഥകള്, വികാര വിക്ഷോഭങ്ങ ളുടെ തിരകള് ഇളകിമറിയുന്ന സന്ദര്ഭങ്ങള്, രൗദ്രത്തിന്റെ തീയും പ്രണയത്തിന്റെ മധുരവും വേദനയുടെ കണ്ണീരുപ്പും നിറഞ്ഞ സംഭാഷണങ്ങള്. ആര്ദ്രബന്ധങ്ങളുടെ കഥകള് തൊട്ട് അധോലോകങ്ങളുടെ കുടിപ്പകകള് വരെ മലയാള സിനിമയ്ക്ക് സമ്മാനിച്ച അതുല്യ പ്രതിഭ. എത്ര പറഞ്ഞാലും തീരില്ല ഡെന്നീസുമായുള്ള ആത്മബന്ധം. അതുകൊണ്ടുതന്നെ പാതിപറഞ്ഞ് നിര്ത്തുന്നു, ഇടറുന്ന വിരലുകളോടെ…
