ഷംസീര്‍ എം.എല്‍.എയുടെ ഭാര്യക്ക് അനധികൃത നിയമനം നല്‍കുന്നുവെന്ന് ആരോപിച്ച് കെ.എസ്.യു പ്രതിഷേധം. കണ്ണൂര്‍ സര്‍വകലാശാല വൈസ് ചാന്‍സലറുടെ വസതി കെ.എസ്.യു ഉപരോധിച്ചു. വിസിയുടെ വീട്ടിലേക്കാണ് രാവിലെ 11 മണിയോടെ കെഎസ്‌യു പ്രതിഷേധമാര്‍ച്ചുമായി എത്തിയത്
കണ്ണൂര്‍: എ.എന്‍. ഷംസീര്‍ എം.എല്‍.എയുടെ ഭാര്യക്ക് അനധികൃത നിയമനം നല്‍കുന്നുവെന്ന് ആരോപിച്ച് കെ.എസ്.യു പ്രതിഷേധം. കണ്ണൂര്‍ സര്‍വകലാശാല വൈസ് ചാന്‍സലറുടെ വസതി കെ.എസ്.യു ഉപരോധിച്ചു. വിസിയുടെ വീട്ടിലേക്കാണ് കെഎസ്‌യു പ്രതിഷേധമാര്‍ച്ചുമായി എ ത്തിയത്. പൊലീസിനെ മറികടന്ന് ഗേറ്റ് കടന്ന് അകത്ത് കയറിയ കെഎസ്‌യു പ്രവര്‍ത്തകര്‍ വീടിന്റെ മുന്‍വശത്ത് കുത്തിയിരുന്ന് വിസിയെ ഉപരോധിച്ചു. ഇവരെ നീക്കാന്‍ പൊലീസ് ശ്രമി ച്ചെങ്കിലും മാറാന്‍ പ്രവര്‍ത്തകര്‍ തയ്യാറായില്ല.
എ എന്‍ ഷംസീറിന്റെ ഭാര്യ ഡോ. പി എം ഷഹലയെ കണ്ണൂര്‍ സര്‍വകലാശാലയിലെ മറ്റൊരു പദവിയിലേക്ക് അനധികൃതമായി നിയമിക്കാന്‍ നീക്കം നടക്കുന്നുവെന്ന് ആരോപിച്ചായിരുന്നു പ്രതിഷേധം. യുജിസി എച്ച്ആര്‍ഡി സെന്ററില്‍ അസിസ്റ്റര്‍ ഡയറക്ടറുടെ സ്ഥിരം തസ്തിക യിലേക്ക് അഭിമുഖം ഇന്നായിരുന്നു നിശ്ചയിച്ചിരുന്നത്. ഡോ. പി എം ഷഹല ഉള്‍പ്പെടെ 30 പേരാണ് അഭിമുഖത്തില്‍ പങ്കെടുക്കുന്നത്.
അക്കാദമിക് മെറിറ്റോ ഗവേഷണപരിചയമോ അധ്യാപന പരിചയമോ കണക്കിലെടുക്കാതെ ഇന്റര്‍വ്യൂ മാര്‍ക്കിന്റെ അടിസ്ഥാനത്തില്‍ മാത്രം നിയമനം നല്‍കാനുള്ള സര്‍വകലാശാല തിരുമാനം ഷംസീറിന്റെ ഭാര്യയെ പിന്‍വാതിലൂടെ നിയമക്കാനുള്ള നീക്കമാണെന്ന് സമരക്കാര്‍ ആരോപിച്ചു. പെരുമാറ്റച്ചട്ടം നിലവിലുള്ളപ്പോള്‍ നിയമനം നടത്തുന്നത് തടയണമെന്നും തിരക്കിട്ടു നടത്തുന്ന ഓണ്‍ലൈന്‍ ഇന്റര്‍വ്യൂ നിര്‍ത്തിവയ്ക്ക ണമെന്നും ആവശ്യപ്പെട്ട് സേവ് യൂണിവേഴ്‌സിറ്റി സംഘടന നേരത്തെ പരാതി നല്‍കിയിരുന്നു.
കേരളത്തിലെ ഒരു സര്‍വ്വകലാശലയിലെ എച്ച്ആര്‍ഡി സെന്ററിലും സ്ഥിരം നിയമനം ഇല്ലെ ന്നിരിക്കെ കണ്ണൂരില്‍ പ്രത്യേക ഉത്തരവിലൂടെ തസ്തിക സൃഷ്ടിച്ചത് എന്തിനെന്ന് സമരക്കാര്‍ ചോദിക്കുന്നു. കുസാറ്റ് അടക്കമുള്ള മറ്റ് സര്‍വകലാശാലകളില്‍ ഒരു തസ്തികയിലേക്കുള്ള നിയമനത്തിന് ഉയര്‍ന്ന സ്‌കോര്‍ പോയിന്റ് ഉള്ള പരമാവധി 10 പേരെ മാത്രമേ ഇന്റര്‍വ്യൂവിന് ക്ഷണിക്കാറുള്ളൂ എന്നിരിക്കേ, കണ്ണൂരില്‍ ഒറ്റ തസ്തികയ്ക്ക് വേണ്ടി മാത്രം 30 പേരെ ക്ഷണിക്കാന്‍ തീരുമാനിച്ചത് ഷംസീറിന്റെ ഭാര്യയെ കട്ട് ഓഫ് മാര്‍ക്കിനുള്ളില്‍ പെടുത്തുന്നതിനാണെന്നും ആരോപണമുണ്ട്.
