അബുദാബി : യുഎഇയിലെ ഇൻഷുറൻസ് മേഖലയിലെ തൊഴിലവസരങ്ങളിൽ സ്വദേശിവൽക്കരണം കൂടുതൽ ശക്തമാക്കാൻ പുതിയ നടപടികളിലേക്ക് സർക്കാർ നീങ്ങുന്നു. 2027 മുതൽ 2030 വരെ കാലയളവിൽ 50% മുതൽ 60% വരെ സ്വദേശിവൽക്കരണ നേട്ടം കൈവരിക്കുകയെന്നതാണ് പ്രധാന ലക്ഷ്യം.
ഇതനുസരിച്ച്, കമ്പനിയുടെ വലുപ്പം അടിസ്ഥാനമാക്കി സ്വദേശിവൽക്കരണ ലക്ഷ്യങ്ങൾ നിശ്ചയിക്കും:
- 2 മുതൽ 19 ജീവനക്കാരുള്ള സ്ഥാപനങ്ങൾ: കുറഞ്ഞത് ഒരു സ്വദേശിയെ വർഷത്തിൽ നിയമിക്കണം.
- 20-ഓ അതിലധികം ജീവനക്കാരുള്ള സ്ഥാപനങ്ങൾ: 30% സ്വദേശിവൽക്കരണം നിർബന്ധമായിരിക്കും.
- നിർണായക സ്ഥാനങ്ങൾ (ജൈന്റ്മെന്റുകൾ, നിർവാഹക തസ്തികകൾ): 45% സ്വദേശിവൽക്കരണം
- സിഇഒ / ജനറൽ മാനേജർ തസ്തികകൾ: 30% സ്വദേശിവൽക്കരണം
ഇക്കാര്യങ്ങൾ ഫെഡറൽ നാഷണൽ കൗൺസിലിൽ(UAE FNC) ഉന്നയിച്ചത് സാമ്പത്തികകാര്യ സഹമന്ത്രി മുഹമ്മദ് അൽ ഹുസൈനി ആയിരുന്നു.
നിലവിലെ കണക്ക്
2024 ജൂൺ ഒന്ന് വരെ ഉള്ള കണക്കനുസരിച്ച്, ഇൻഷുറൻസ് മേഖലയിലെ 9,773 ജീവനക്കാരിൽ 2,159 പേർ (22.09%) സ്വദേശികളാണ്. നിലവിലെ പുരോഗതി ശ്രദ്ധേയമാണെന്നും, 2026നകം സ്വദേശിവൽക്കരണ നിരക്ക് 30% ആയി ഉയർത്തും എന്നും മന്ത്രി വ്യക്തമാക്കി.
നിയമലംഘനത്തിന് പിഴ
സാധുതയില്ലാതെ സ്വദേശിവൽക്കരണം നടപ്പാക്കുന്ന സ്ഥാപനങ്ങൾ കണ്ടെത്താനും നിരീക്ഷിക്കാനായി പ്രത്യേക സമിതി രൂപീകരിച്ചിട്ടുണ്ട്. നിയമം ലംഘിക്കുന്ന സ്ഥാപനങ്ങൾക്ക് 60,000 ദിർഹം വരെ പിഴ ചുമത്തും.
മലയാളികൾ ഉൾപ്പെടെയുള്ള വിദേശ തൊഴിലാളികൾക്ക് ആശങ്ക
ഇൻഷുറൻസ് മേഖലയിൽ വലിയൊരു വിഭാഗം പ്രവാസികൾ, പ്രത്യേകിച്ച് മലയാളികൾ, സേവനം നടത്തുന്ന സാഹചര്യത്തിൽ, സ്വദേശിവൽക്കരണ നീക്കങ്ങൾ അവരുടെ തൊഴിലവസരങ്ങൾ നേരിട്ടുള്ളമായി ബാധിക്കാൻ സാധ്യതയുള്ളതായും വിലയിരുത്തപ്പെടുന്നു.
