ഇ​റാ​നു​മാ​യു​ള്ള ന​യ​ത​ന്ത്ര​ബ​ന്ധം പു​നഃ​സ്ഥാ​പി​ക്ക​ൽ; ച​ർ​ച്ച​ക​ൾ പു​രോ​ഗ​മി​ക്കു​ക​യാ​ണെ​ന്ന് വി​ദേ​ശ​കാ​ര്യ മ​ന്ത്രി

മ​നാ​മ: ഇ​റാ​നു​മാ​യു​ള്ള ന​യ​ത​ന്ത്ര​ബ​ന്ധം പു​നഃ​സ്ഥാ​പി​ക്കാ​നു​ള്ള ച​ർ​ച്ച​ക​ൾ പു​രോ​ഗ​മി​ക്കു​ക​യാ​ണെ​ന്ന് വി​ദേ​ശ​കാ​ര്യ മ​ന്ത്രി ഡോ. ​അ​ബ്​​ദു​ല്ല​ത്തീ​ഫ്​ ബി​ൻ റാ​ശി​ദ്​ അ​ൽ സ​യാ​നി. സ​ന്തു​ലി​ത​മാ​യ വി​ദേ​ശ​ന​യ​മാ​ണ് ബ​ഹ്റൈ​ൻ സ്വീ​ക​രി​ക്കു​ന്ന​തെ​ന്നും ന​ല്ല അ​യ​ൽ​പ​ക്ക ബ​ന്ധം സ്ഥാ​പി​ക്കു​ക, മ​റ്റു രാ​ജ്യ​ങ്ങ​ളു​ടെ ആ​ഭ്യ​ന്ത​ര കാ​ര്യ​ങ്ങ​ളി​ൽ ഇ​ട​പെ​ടാ​തി​രി​ക്കു​ക എ​ന്നി​വ​യി​ൽ ബ​ഹ്റൈ​ൻ പ്ര​തി​ജ്ഞാ​ബ​ദ്ധ​മാ​ണെ​ന്നും അ​ദ്ദേ​ഹം പ​റ​ഞ്ഞു.
2016ൽ ​തെ​ഹ്റാ​നി​ലെ സൗ​ദി എം​ബ​സി​യി​ൽ ഇ​റാ​ൻ ന​ട​ത്തി​യ ആ​ക്ര​മ​ത്തെ​ത്തു​ട​ർ​ന്നാ​ണ് ബ​ഹ്റൈ​ൻ ഇ​റാ​നു​മാ​യു​ള്ള ന​യ​ത​ന്ത്ര ബ​ന്ധം വി​ച്ഛേ​ദി​ച്ചി​രു​ന്ന​ത്. എ​ന്നാ​ൽ, 2024ൽ ​ന​യ​ത​ന്ത്ര ബ​ന്ധം പു​നഃ​സ്ഥാ​പി​ക്കാ​നു​ള്ള ധാ​ര​ണ​യി​ലെ​ത്തു​ക​യാ​യി​രു​ന്നു. പ്രാ​ദേ​ശി​ക സ്ഥി​ര​ത​യും സാ​മ്പ​ത്തി​ക അ​ഭി​വൃ​ദ്ധി​യും ല​ക്ഷ്യ​മി​ട്ടു​ള്ള ച​ർ​ച്ച​ക​ൾ ഇ​പ്പോ​ഴും പു​രോ​ഗ​മി​ക്കു​ന്നു​ണ്ട്. 2024 ൽ ​റാ​ശി​ദ്​ അ​ൽ സ​യാ​നി ഇ​റാ​ൻ പ്ര​സി​ഡ​ന്‍റാ​യി​രു​ന്ന ഇ​ബ്രാ​ഹീം റൈ​സി​യു​ടെ മ​ര​ണ​ത്തി​ൽ അ​നു​ശോ​ച​നം അ​റി​യി​ക്കാ​ൻ തെ​ഹ്റാ​ൻ സ​ന്ദ​ർ​ശി​ച്ചി​രു​ന്നു.
ശേ​ഷം ന​ട​ന്ന ഇ​റാ​ന്‍റെ പ്ര​സി​ഡ​ന്‍റ് സ്ഥാ​നാ​രോ​ഹ​ണ​ത്തി​ലും ബ​ഹ്റൈ​ന്‍റെ പ​ങ്കാ​ളി​ത്തം ഉ​ണ്ടാ​യി. 2024 ഒ​ക്ടോ​ബ​റി​ൽ ഇ​റാ​ൻ വി​ദേ​ശ​കാ​ര്യ മ​ന്ത്രി ബ​ഹ്റൈ​ൻ സ​ന്ദ​ർ​ശി​ക്കു​ക​യും ഹ​മ​ദ് രാ​ജാ​വ് അ​ദ്ദേ​ഹ​ത്തെ സ്വീ​ക​രി​ക്കു​ക​യും ചെ​യ്തി​രു​ന്നു. ഇ​രു​രാ​ജ്യ​ങ്ങ​ളും ത​മ്മി​ലു​ള്ള ഉ​ഭ​യ​ക​ക്ഷി ബ​ന്ധം പു​നഃ​സ്ഥാ​പി​ക്കു​ന്ന​തി​നാ​യു​ള്ള ച​ർ​ച്ച​ക​ൾ ആ​രം​ഭി​ക്കു​ന്ന​തി​നാ​യി ഇ​റാ​ൻ വി​ദേ​ശ​കാ​ര്യ മ​ന്ത്രി​യു​മാ​യു​ള്ള കൂ​ടി​ക്കാ​ഴ്ച​യി​ലാ​ണ് ധാ​ര​ണ​യാ​യ​ത്.