തിരഞ്ഞെടുപ്പുകളില് 65 വയസ്സിനു മുകളിലുള്ളവര്ക്ക് പോസ്റ്റല് വോട്ട് അനുവദിക്കാന് നീക്കവുമായി തെരഞ്ഞെടുപ്പ് കമ്മീഷന്. കോവിഡ് വ്യാപനത്തിന്റെ പശ്ചാത്തലത്തിലാണ് തിരഞ്ഞെടുപ്പ് കമ്മീഷന് ഇക്കാര്യത്തില് തീരുമാനമെടുത്തത്. ഇതു സംബന്ധിച്ച് കേന്ദ്ര നിയമ മന്ത്രാലയം വിജ്ഞാപനം പുറപ്പെടുവിച്ചു.
കോവിഡ് ബാധിതര്ക്കും നിരീക്ഷണത്തിലുള്ളവര്ക്കും രോഗബാധ സംശയിക്കുന്നവര്ക്കും പോസ്റ്റല് വോട്ട് ചെയ്യാന് അവസരം ലഭിക്കും.65 വയസിനു മുകളില് പ്രായമുള്ളവര്ക്കു പുറമേ ഗര്ഭിണികളായ സ്ത്രീകള്, ഗുരുതര രോഗങ്ങളുള്ളവര് തുടങ്ങിയവര്ക്കും പോസ്റ്റല് വോട്ടിന് അവസരം നല്കും.
80 വയസ്സിനു മേല് പ്രായമുള്ള മുതിര്ന്ന പൗരന്മാര്ക്കും ശാരീരിക അവശതകളുള്ളവര്ക്കും പോസ്റ്റല് വോട്ട് അനുവദിച്ചുകൊണ്ട് 2019 ഒക്ടോബറില് തിരഞ്ഞെടുപ്പ് ചട്ടങ്ങള് ഭേദഗതി ചെയ്തിരുന്നു.
