അണ്ലോക്കിന്റെ ആദ്യഘട്ടത്തിലെത്തുന്ന സാഹര്യമുണ്ടാകണമെങ്കില് ആശുപത്രിയിലെ രോഗികളുടെ എണ്ണത്തിലും ടെസ്റ്റ് പോസിറ്റിവിറ്റി നിരക്കിലും ഇനിയും കുറവു ണ്ടാകണമെ ന്ന് ആരോഗ്യവകുപ്പ്
തിരുവനന്തപുരം : ലോക്ഡൗണ് പിന്വലിക്കാവുന്ന ഘട്ടത്തിലേക്ക് സംസ്ഥാനം ഇപ്പോഴും എത്തി യിട്ടില്ലെന്ന് ആരോഗ്യവകുപ്പ്. അണ്ലോക്കിന്റെ ആദ്യഘട്ടത്തിലെത്തുന്ന സാഹര്യമുണ്ടാകണമെ ങ്കില് ആശുപത്രിയിലെ രോഗികളുടെ എണ്ണത്തിലും ടെസ്റ്റ് പോസിറ്റിവിറ്റി നിരക്കിലും ഇനിയും കുറവുണ്ടാകണം. ഐസിയു ബെഡുകളുടെ ഉപയോഗം 60 ശതമാനത്തിലും താഴെയാകണം. തുട ര്ച്ചയായ മൂന്നു ദിവസത്തെ ശരാശരി ടെസ്റ്റ് പോസ്റ്റിറ്റിവിറ്റി നിരക്ക് 15 ശതമാനത്തിലും താഴെയാ കണം.
എന്നാല്, നിലവില് സര്ക്കാര് ആശുപത്രികളിലെ ഐസിയു ബെഡുകളുടെ 70 ശതമാനത്തില ധികം ഉപയോഗത്തിലാണ്. കഴിഞ്ഞ മൂന്നു ദിവസ ങ്ങളിലെ ശരാശരി ടെസ്റ്റ് പോസിറ്റിവിറ്റി നിര ക്കാകട്ടെ 18 ശതമാനമാണ്. അതോടൊപ്പം നിലവില് രോഗബാധിതരായ മൊത്തം ആളുകളുടെ എണ്ണത്തിലും പുതുതായി രോഗബാധിതരാകുന്നവരുടെ എണ്ണത്തിലും തുടര്ച്ചയായി ഏഴു ദിവസം കുറവുണ്ടാകണം. ഈ മാനദണ്ഡങ്ങളെല്ലാം പാലിക്കപ്പെടുന്ന സാഹചര്യത്തില് മാത്രമേ ലോക്ഡൗണ് ഒഴിവാക്കിയതിനു ശേഷമുള്ള ആദ്യഘട്ട നിയന്ത്രണങ്ങളിലേയ്ക്ക് നമുക്ക് കടക്കാന് സാധിക്കുകയുള്ളൂവെന്ന് ആരോഗ്യവകിപ്പ് അധികൃതര് ചൂണ്ടിക്കാട്ടുന്നു.
അങ്ങനെയല്ലാതെ ലോക്ഡൗണ് ഒഴിവാക്കിയാല് രോഗവ്യാപനം കൂടുതല് ശക്തമാവുകയും നി യന്ത്രണാതീതമാവുകയും ചെയ്യും. ആരോഗ്യ സംവിധാനത്തിന് ഉള്ക്കൊള്ളാവുന്നതിലും അധി കമായി രോഗികളുടെ എണ്ണം വര്ദ്ധിച്ചാല് മരണ സംഖ്യ ഒരുപാടു കൂടും. അത്തരത്തില് ജനങ്ങ ളുടെ ജീവന് അപകടത്തിലാക്കുന്നത് തടയുന്നതിനായാണ് ലോക്ഡൗണ് തുടരുന്നത്. ഈ യാഥാ ര്ഥ്യം മനസ്സിലാക്കി പൊതുസമൂഹത്തിന്റെ പരിപൂര്ണ്ണ പിന്തുണ ലോക്ഡൗണ് വിജയകരമായി നടപ്പാക്കുന്നതിന് ഉണ്ടാകണമെന്ന് ആരോഗ്യ വകുപ്പ് അഭ്യര്ഥിച്ചു.
