അജ്മാന്: ആഗസ്റ്റിൽ അജ്മാനിലെ റിയൽ എസ്റ്റേറ്റ് ഇടപാടുകളുടെ മൂല്യം 157 കോടി ദിർഹം. കഴിഞ്ഞ മാസം എമിറേറ്റിൽ 1264 റിയൽ എസ്റ്റേറ്റ് ഇടപാടുകൾ നടന്ന ലാൻഡ് ആൻഡ് റിയൽ എസ്റ്റേറ്റ് റെഗുലേഷൻ വകുപ്പ് ഡയറക്ടർ ജനറൽ എൻജിനീയർ ഒമർ ബിൻ ഒമൈർ അൽ മുഹൈരി പറഞ്ഞു.
അൽ ഹീലിയോ 2ലെ ഏരിയയിൽ ഏറ്റവും ഉയർന്ന വിൽപന മൂല്യം 38.7 ദശലക്ഷം ദിർഹമില് എത്തി. 2023ലെ ഇതേ കാലയളവിനെ അപേക്ഷിച്ച് 4.6 ശതമാനമാണ് വളർച്ച. ഈ കാലയളവില് 184 ലീസ് ഇടപാടുകൾ രേഖപ്പെടുത്തിയതായി ഡിപ്പാർട്മെന്റ് ഓഫ് ലാൻഡ് ആൻഡ് റിയൽ എസ്റ്റേറ്റ് റെഗുലേഷൻ ഡയറക്ടർ ജനറൽ അറിയിച്ചു.
