വനിതകള്‍ക്ക് ഡ്രൈവിംഗ് ലൈസന്‍സ് നല്‍കി പുതിയ നവോത്ഥാന ചരിത്രമെഴുതിയ സൗദിയില്‍ പുതിയ അനുമതി.
റിയാദ് : സൗദി അറേബ്യയുടെ ചരിത്രത്തില്‍ ഇതാദ്യമായി വനിതകള്‍ക്ക് ടാക്‌സി ഡ്രൈവിംഗ് ലൈസന്‍സ് നല്‍കുന്നു.
സൗദി കിരീടാവകാശി മുഹമദ് ബിന്‍ സല്‍മാന്‍ രാജകുമാരന്റെ വിഷന്‍ 2030 പദ്ധതി പ്രകാരം സ്ത്രീകളെ സ്വയം പര്യാപതതയിലേക്ക് നയിക്കാനാണ് പുതിയ പരിഷ്‌കാരം നടപ്പിലാക്കുന്നത്.
തലസ്ഥാന നഗരമായ റിയാദ് ഉള്‍പ്പടെ പതിനെട്ട് നഗരങ്ങളില്‍ ടാക്‌സി ഓടിക്കുന്നതിന് പരിശീലനം നല്‍കുന്ന സ്‌കൂളുകള്‍ ആരംഭിച്ചു.
പുതിയ പ്രഖ്യാപനത്തെ സ്ത്രീകള്‍ ആഹ്‌ളാദത്തോടെയാണ് വരവേറ്റത്. വനിതകള്‍ക്ക് സ്വയം പര്യാപ്തത കൈവരിക്കാനും കൂടുതല്‍ തൊഴിലവസരങ്ങള്‍ ലഭ്യമാക്കാനും ഇത് ഉപകരിക്കുമെന്ന് പലരും അഭിപ്രായപ്പെട്ടു.
സൗദി അറേബ്യയുടെ ചരിത്രത്തില്‍ വിപ്ലവകരമായ പ്രഖ്യാപനമാണ് 2017 ല്‍ വനിതകള്‍ക്ക് ഡ്രൈവിംഗ് ലൈസന്‍സിനുള്ള അവകാശം നല്‍കി ഉത്തരവിട്ടത്. അതിനു ശേഷം ഇതുവരെ 1,74,000 വനിതകള്‍ക്കാണ് ലൈസന്‍സ് നല്‍കിയത്.
