English മലയാളം

Blog

VM Sudheeran

 

തിരുവനന്തപുരം: ബീഹാര്‍ നിയമസഭാ തെരഞ്ഞെടുപ്പിലും മറ്റ് സംസ്ഥാനങ്ങളില്‍ നടന്ന ഉപതെരഞ്ഞെടുപ്പിലും ഏറ്റ തിരിച്ചടിയെക്കുറിച്ച് കോണ്‍ഗ്രസ് സത്യസന്ധമായ ആത്മപരിശോധന നടത്തണമെന്ന് കോണ്‍ഗ്രസ് നേതാവ് വി.എം സുധീരന്‍. തെറ്റ് തിരുത്താന്‍ പാര്‍ട്ടി നേതൃത്വം തയ്യാറാകണമെന്നും മുന്‍ കെപിസിസി അധ്യക്ഷന്‍ വ്യക്തമാക്കി.

നഹ്‌റുവും ഇന്ദിരാഗാന്ധിയും ഉയര്‍ത്തിപ്പിടിച്ച സാമ്പത്തിക നയങ്ങളിലേക്ക് തിരിച്ചുപോകണമെന്നും മറ്റ് തലങ്ങളിലും ആവശ്യമുള്ളിടത്ത് നയസമീപനങ്ങളില്‍ മാറ്റം ഉണ്ടാകണമെന്നും അദ്ദേഹം തന്റെ ഫേസ്ബുക്ക് പോസ്റ്റിലൂടെ ആവശ്യപ്പെട്ടു.

ജനങ്ങളുടെ വിശ്വാസം ആര്‍ജിക്കത്തക്ക തീരിയില്‍ പ്രവര്‍ത്തന ശൈലിയില്‍ ഉചിതമായ മാറ്റം വരുത്തണമെന്നും ജനസ്വീകാര്യതയും പ്രവര്‍ത്തനരംഗത്തെ മികവുമായിരിക്കണം സ്ഥാനാര്‍ത്ഥി നിര്‍ണയത്തിനും പദവികള്‍ നല്‍കുന്നതിനുമുള്ള മാനദണ്ഡമെന്നും സുധീരന്‍ വ്യക്തമാക്കി.

Also read:  ബീ​ഹാ​ര്‍ തെ​ര​ഞ്ഞെ​ടു​പ്പ് മാ​റ്റി​വ​യ്ക്കാ​നാ​വി​ല്ലെ​ന്ന് സു​പ്രീംകോടതി; പൊ​തു​താ​ത്പ​ര്യ ഹ​ര്‍​ജി സു​പ്രീം​കോ​ട​തി ത​ള്ളി

പോസ്റ്റിന്റെ പൂര്‍ണരൂപം

ബീഹാര് നിയമസഭാ തെരഞ്ഞെടുപ്പിലും മറ്റ് സംസ്ഥാനങ്ങളില് നടന്ന ഉപതെരഞ്ഞെടുപ്പുകളിലും കോണ്ഗ്രസിനുണ്ടായ തിരിച്ചടിയെക്കുറിച്ച് സത്യസന്ധമായ ആത്മപരിശോധനയിലൂടെ തെറ്റുതിരുത്താന് കോണ്ഗ്രസ് നേതൃത്വം തയ്യാറാകേണ്ടത് അനിവാര്യമായിരിക്കുന്നു.
ജവഹര്ലാല് നെഹ്‌റുവും ഇന്ദിരാഗാന്ധിയും ഉയര്ത്തിപ്പിടിച്ച സാമ്പത്തിക നയങ്ങളിലേയ്ക്ക് തിരിച്ചുപോകണം. മറ്റ് തലങ്ങളിലും ആവശ്യമായിടത്ത് നയസമീപനങ്ങളില് മാറ്റമുണ്ടാകണം. ജനസ്വീകാര്യതയും പ്രവര്ത്തനരംഗത്തെ മികവുമായിരിക്കണം സ്ഥാനാര്ത്ഥി നിര്ണ്ണയത്തിനും പാര്ട്ടി പദവികള് നല്കുന്നതിനുമുള്ള മാനദണ്ഡം. ജനവിശ്വാസം കൂടുതല് ആര്ജ്ജിക്കത്തക രീതിയില് പ്രവര്ത്തനശൈലിയിലും ഉചിതമായ മാറ്റം വരുത്തണം.
ഇതിലൂടെയെല്ലാം ജനകീയ അടിത്തറ വിപുലമാക്കി വര്ദ്ധിച്ച കരുത്തോടെ ബി.ജെ.പി.യുടെ വര്ഗ്ഗീയ-ഫാസിസ്റ്റ് നയങ്ങള്ക്കും നടപടികള്ക്കുമെതിരെ പോരാടാന് കഴിയുന്ന സാഹചര്യം ഒരുക്കാന് ഇനിയും വൈകരുത്. തെരഞ്ഞെടുപ്പ് വിധിയിലൂടെ ജനങ്ങള് നല്കുന്ന പാഠങ്ങള് ഉള്ക്കൊണ്ട് മുന്നോട്ടുപോയേ മതിയാകൂ.