ന്യൂയോര്‍ക്ക്: അധികാരം നിലനിര്‍ത്താനുള്ള ട്രംപിന്റെ അവസാനവട്ട ശ്രമവും പാളി. ജോര്‍ജിയ, മിഷിഗണ്‍, പെനിസില്‍വാനിയ, വിസ്‌കോസിന്‍ എന്നീ സംസ്ഥാനങ്ങളിലെ തെരഞ്ഞെടുപ്പ് ഫലം റദ്ദാക്കണമെന്ന ഹര്‍ജി കോടതി തള്ളി. ഈ നാല് സംസ്ഥാനങ്ങളിലേയും വിജയി ജോ ബൈഡന്‍ തന്നെയെന്ന് കോടതി പ്രഖ്യാപിച്ചു.
19 സ്റ്റേറ്റ് അറ്റോണിമാരും 127 റിപ്പബ്ലിക്കന്‍ പ്രതിനിധികളും സംയുക്തമായാണ് ടെക്‌സസ് സംസ്ഥാനത്തിന്റെ പേരില്‍ ഹര്‍ജി നല്‍കിയത്. ടെക്‌സസിന് ഇങ്ങനെയൊരു ഹര്‍ജി നല്‍കാന്‍ നിയമപരമായ അധികാരമില്ലെന്നും കോടതി നിരീക്ഷിച്ചു. എന്നാല്‍ ജോ ബൈഡന്റെ തെരഞ്ഞെടുപ്പ് നിയമവിധേയമല്ല എന്ന ആരോപണത്തില്‍ ട്രംപ് ഉറച്ചു നില്‍ക്കുകയാണ്.
