Web Desk
യു.എ.ഇയിലെ വിദ്യാലയങ്ങളില്‍ വെള്ളിയാഴ്ച മുതല്‍ മധ്യവേനലവധി ആരംഭിച്ചു. കോവിഡ് പശ്ചാത്തലത്തില്‍ മൂന്ന് മാസത്തിലേറെയായി വിദ്യാലയങ്ങള്‍ അടഞ്ഞു കിടക്കുകയായിരുന്നെങ്കിലും അധ്യാപകരും വിദ്യാര്‍ത്ഥികളും ഇ-ലേണിങ് പഠനം നടത്തിയിരുന്നു. രണ്ടുമാസത്തെ അവധിക്കു ശേഷം ഓഗസ്റ്റ് 30 ന് സ്‌കൂളുകള്‍ തുറക്കും. ഏഷ്യന്‍ പാഠ്യപദ്ധതി പ്രകാരമുള്ള സ്‌കൂളുകള്‍ക്ക് രണ്ടാം പാദത്തിന്‍റെ ആരംഭവും, യു.എ.ഇ പാഠ്യ പദ്ധതിയിലുള്ള സ്‌കൂളുകള്‍ക്കും ഏഷ്യന്‍ ഇതര പാഠ്യപദ്ധതിയിലെ സ്‌കൂളുകള്‍ക്കും പുതിയ അദ്ധ്യയന വര്‍ഷത്തിന്‍റെ ആരംഭവുമാണ് ആഗസ്റ്റ് 30.
