ദുബായ്: യുഎഇ പതാക ദിനത്തില്‍ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം കോവിഡ് വാക്സീന്‍ സ്വീകരിച്ചു. ഇന്ന് കോവിഡ് വാക്സിന് സ്വീകരിക്കുമ്പോള്‍, എല്ലാവരും രോഗമുക്തി നേടി സംരക്ഷിതരാവട്ടെ എന്ന് പ്രാര്‍ഥിക്കുന്നു. യു.എ.ഇയില്‍ വാക്സിന് ലഭ്യമാക്കുന്നതിന് അശ്രാന്തമായി പരിശ്രമിച്ച ഞങ്ങളുടെ ടീമിനെയോര്‍ത്ത അഭിമാനിക്കുന്നു. യു.എ.ഇയില്‍ എല്ലായ്‌പ്പോഴും ഭാവി മികച്ചതായിരിക്കും’ അദ്ദേഹം ട്വീറ്റ് ചെയ്തു.
While receiving the COVID-19 vaccine today. We wish everyone safety and great health, and we are proud of our teams who have worked relentlessly to make the vaccine available in the UAE. The future will always be better in the UAE. pic.twitter.com/Rky5iqgfdg
— HH Sheikh Mohammed (@HHShkMohd) November 3, 2020
ചൈനീസ് കമ്പനിയായ സിനോഫാം വികസിപ്പിക്കുന്ന വാക്‌സിനാണ് യു.എ.ഇയില്‍ ഇപ്പോള്‍ ക്ലിനിക്കല്‍ പരീക്ഷണ ഘട്ടത്തിലുള്ളത്. മലയാളികളടക്കം നിരവധിപേര്‍ ഇതിനോടകം വാക്സിന് പരീക്ഷണത്തില്‍ പങ്കാളികളായി.
യുഎഇ ഉപപ്രധാനമന്ത്രിയും ആഭ്യന്തര മന്ത്രിയുമായ ലഫ്. ജനറല്‍ ഷെയ്ഖ് സെയിഫ് ബിന്‍ സായിദ് അല്‍ നഹ്യാന്‍ നേരത്തെ കോവിഡ് വാക്സീന്‍ സ്വീകരിച്ചിരുന്നു. വിദേശകാര്യ-രാജ്യാന്തര സഹകരണ മന്ത്രി ഷെയ്ഖ് അബ്ദുല്ല ബിന്‍ സായിദ് അല്‍ നഹ്യാന്‍, ആരോഗ്യ-രോഗപ്രതിരോധ മന്ത്രി അബ്ദുല്‍ റഹ്മാന്‍ അല്‍ ഉവൈസ്, ദേശീയ അടിയന്തര നിവാരണ വിഭാഗം ഡയറക്ടര്‍ ജനറല്‍ ഉബൈദ് അല്‍ ഷംസി, സാംസ്‌കാരിക-യുവ കാര്യ മന്ത്രി നൗറ അല്‍ കഅബി, എക്സിക്യുട്ടീവ് അംഗവും അബുദാബി എക്സിക്യുട്ടീവ് ഓഫീസ് ചെയര്‍മാനുമായ ഷെയ്ഖ് ഖാലിദ് ബിന്‍ മുഹമ്മദ് ബിന്‍ സായിദ് അല്‍ നഹ്യാന്‍ എന്നിവരാണ് ഇതിനകം വാക്സിന് സ്വീകരിച്ച മറ്റു പ്രമുഖര്‍.
മഹാമാരിയുടെ ആഘാതം ലഘൂകരിക്കാന്‍ രാജ്യത്തെ സഹായിച്ച ദാനത്തിന്റെയും സഹകരണത്തിന്റെയും മനോഭാവവും, സമൂഹം പ്രകടിപ്പിക്കുന്ന ഐക്യദാര്‍ഢ്യവും ആഘോഷിക്കാനുള്ള അവസരമാണ് ഈ വര്‍ഷത്തെ പതാക ദിനം. കോവിഡ് 19 നെതിരായ പോരാട്ടത്തില്‍ മുന്‍ നിരയില്‍ പ്രവര്‍ത്തിച്ചവര്‍ക്ക് ഞങ്ങള്‍ നന്ദിയറിയിക്കുന്നു.
