രഹസ്യ വിവരത്തെ തുടര്‍ന്ന് നടത്തിയ അന്വേഷണത്തിലാണ് കുവൈത്തി പോലീസ് രണ്ടു പേരേയും പിടികൂടിയത്.
കുവൈത്ത് സിറ്റി : അനധികൃത മദ്യ വിതരണം നടത്തിവന്ന രണ്ട് ഇന്ത്യന്‍ പ്രവാസികളെ അറസ്റ്റു ചെയ്തതായി കുവൈത്ത് പോലീസ് അറിയിച്ചു,
അഹമദി ഗവര്‍ണറേറ്റിലെ വഫ്ര മേഖലയില്‍ നിന്നാണ് ഇരുവരേയും പിടികൂടിയത്. ഇവര്‍ മദ്യ വിതരണത്തിന് തയ്യാറെടുക്കവെയാണ് പോലീസ് റെയ്ഡ് നടത്തിയത്. കാറില്‍ മദ്യക്കുപ്പികളുമായി എത്തിയ ഇവര്‍ പോലീസ് ഉദ്യോഗസ്ഥരെ കണ്ടപ്പോള്‍ രക്ഷപ്പെടാന്‍ ശ്രമിച്ചു.
കാറിനുള്ളിലെ രഹസ്യ അറകളിലാണ് വിതരണത്തിനുള്ള കുപ്പികള്‍ ഉണ്ടായിരുന്നത്. ഇവരുടെ താമസ സ്ഥലത്തും നിന്നും 400 കുപ്പി വ്യാജമദ്യം പിടികൂടി.
പ്രാദേശിക ഏജന്റുമാര്‍ വഴി മദ്യം ആവശ്യക്കാര്‍ക്ക് എത്തിച്ചു കൊടുക്കുകയാണ് പതിവ്. ഇരുവരേയും ജനറല്‍ പ്രോസിക്യൂഷന്‍ മുമ്പ് ഹാജരാക്കും.
