English മലയാളം

Blog

pukasa

 

ഇന്നലെ കേരളത്തിൽ ഏറ്റവും കൂടുതൽ കോവിഡ് രോഗികളെ കണ്ടെത്തിയ ദിവസമാണ്. 3830 പേര്‍. തിരുവനന്തപുരത്ത് മാത്രം 675 പേർ. 14 മരണങ്ങൾ സ്ഥിരീകരിച്ചു. അത്യന്തം ആശങ്കാജനകമായ സ്ഥിതി.

എന്നാൽ നമ്മുടെ ജില്ലാ കേന്ദ്രങ്ങളിൽ കാണുന്നതെന്താണ്? കോവിഡ് പ്രതിരോധത്തെയാകെ അട്ടിമറിച്ചു കൊണ്ടുള്ള ആൾക്കൂട്ട സമരാഭാസം. അതിനെ വീരകൃത്യമായി പർവ്വതീകരിച്ച് പ്രദർശിപ്പിക്കുന്ന ഒരു പറ്റം മാധ്യമങ്ങൾ. ക്യാമറകൾ കാണുമ്പോൾ മാത്രം ആവേശം ഉണർന്നു കാണിക്കുന്ന നികൃഷ്ട രാഷ്ട്രീയ നാട്യങ്ങൾ? എന്തിനു വേണ്ടിയാണ് ഈ ആഭാസ നാടകം? 2016ൽ തെരഞ്ഞെടുപ്പു കഴിഞ്ഞതിൻ്റെ പിറ്റേദിവസം മുതൽ ഉന്നയിക്കപ്പെടുന്ന ഡിമാൻ്റ് ആണ് മുഖ്യമന്ത്രി രാജിവെക്കണം എന്നത്. ഇപ്പോഴും അതിൻ്റെ തനിയാവർത്തനം. വിഷയങ്ങൾ മാറി മറയുന്നു. സ്വർണ്ണക്കടത്ത് പോയി, ഇപ്പോൾ ഖുറാൻ വിതരണമാണ് പ്രത്യക്ഷപ്രശ്‌നം.

Also read:  മഹിളാ മന്ദിരങ്ങളില്‍ അമ്മമാരോടൊപ്പം പ്രവേശിപ്പിക്കുന്ന കുട്ടികളുടെ പ്രായപരിധി 10 വയസാക്കി

പക്ഷേ ഉള്ളിലിരിപ്പ് വേറെയാണ്. കേരളത്തിൽ കോവിഡ് ബാധ വ്യാപിപ്പിക്കണം. കൂടുതൽ മരണങ്ങൾ ഉണ്ടാവണം. അതുവഴി സംസ്ഥാന സർക്കാരിനെ പ്രതിക്കൂട്ടിൽ നിർത്തണം. നടക്കാനിരിക്കുന്ന തെരഞ്ഞെടുപ്പുകളിൽ തങ്ങളുടെ കക്ഷിനില മെച്ചപ്പെടുത്തണം.

Also read:  സംസ്ഥാന ധനവകുപ്പ് മന്ത്രി ടി എം തോമസ് ഐസകിന് കോവിഡ് സ്ഥിരീകരിച്ചു.

ആരോഗ്യമുള്ള യുവാക്കൾക്ക് കോവിഡ് ബാധിച്ചാൽ അത് മാരകമാകില്ല എന്ന തോന്നൽ ഇവർക്കുണ്ട്. അതു ശരിയാണ്. പക്ഷേ സംസ്ഥാനത്തെ സീനിയർ സിറ്റിസൺമാരുടേയും പലവിധ രോഗങ്ങളുടെയും അവസ്ഥയെപ്പറ്റി ഇവർ ആലോചിക്കേണ്ടതല്ലേ? വൃദ്ധരും ആരോഗ്യമില്ലാത്തവരും കോവിഡ് ബാധിച്ച് ചത്തൊടുങ്ങട്ടെ എന്നാണോ ഇവർ ആഗ്രഹിക്കുന്നത്? പണ്ട് ജർമ്മനിയിൽ ഹിറ്റ്ലർ അങ്ങനെ ആഗ്രഹിക്കുകയും അതിനു വേണ്ടി പ്രവർത്തിക്കുകയും ചെയ്തിരുന്നു.

Also read:  സ്വന്തം ഓഫീസ് സംശയ നിഴലിലായതില്‍ മുഖ്യമന്ത്രിക്ക്‌ കടുത്ത രോഷം; ശിവശങ്കറിനെതിരെ നടപടിക്ക് സാധ്യത

സമരം ചെയ്യാനുള്ള മനുഷ്യൻ്റെ അവകാശം ജീവിതം പോലെ പ്രധാനമാണ്. പക്ഷേ മനുഷ്യൻ ജീവിതം തന്നെ മാറ്റി വരക്കാൻ നിർബന്ധിതമായ ഈ പ്രതിസന്ധി കാലത്ത് സമരങ്ങളും രൂപമാറ്റത്തിന് വിധേയമാകണം.

മരണത്തിൻ്റെ വ്യാപാരികൾ തെരുവിൽ നടത്തുന്ന കുരുതിയാട്ടത്തിനെതിരെ ജനങ്ങൾ ഒന്നിച്ച് വിരൽ ചൂണ്ടണമെന്നും പുരോഗമന കലാ സാഹിത്യ സംഘം ചൂണ്ടിക്കാട്ടി.