തിരുവനന്തപുരം: സ്വര്‍ണക്കടത്ത് കേസിലെ മുഖ്യ പ്രതി സ്വപ്‌ന സുരേഷിന് വ്യാജ ഡിഗ്രി സര്‍ട്ടിഫിക്കറ്റ് നല്‍കിയത് പഞ്ചാബിലെ സ്ഥാപനമെന്ന് കണ്ടെത്തി. ദേവ് എജിക്യൂഷേന്‍ ട്രസ്റ്റ് എന്ന സ്ഥാപനമാണ് വ്യാജ സര്‍ട്ടിഫിക്കറ്റ് നല്‍കിയത്. വ്യാജ സര്‍ട്ടിഫിക്കറ്റിന് ഇടനില നിന്നത് തിരുവനന്തപുരം തൈക്കാട്ട് പ്രവര്‍ത്തിക്കുന്ന എഡ്യൂക്കേഷന്‍ ഗൈഡന്‍സ് സെന്റര്‍ എന്ന സ്ഥാപനമാണ്. സര്‍ട്ടിഫിക്കറ്റ് ലഭിക്കാന്‍ സ്വപ്‌ന ഒരു ലക്ഷത്തിലധികം രൂപയാണ് ചിലവാക്കിയത്. മുംബൈയിലെ ഡോ. ബാബ സാഹിബ് സര്‍വകലാശാലയുടെ സര്‍ട്ടിഫിക്കറ്റാണ് സ്വപ്‌ന സ്വന്തമാക്കിയത്. 2017 ലാണ് സ്വപ്‌നയ്ക്ക് ഈ സര്‍ട്ടിഫിക്കറ്റ് കിട്ടിയത്.
