English മലയാളം

Blog

subintraders

 

ന്യൂഡൽഹി: കോവിഡ് പീഡിതർക്ക് ഡൽഹിയിലെ മൊത്ത വ്യാപാര പ്രമുഖരായ സുബിൻ ട്രേഡേഴ്‌സിന്റെ സാന്ത്വന സ്‌പർശം. രോഗപ്രതിരോധ ശേഷി വർദ്ധിപ്പിക്കുന്നതിന് ആവശ്യമായ ആഹാര സാധനങ്ങൾ തികച്ചും സൗജന്യമായി അർഹതപ്പെട്ടവർക്ക് അവരുടെ വീട്ടുപടിക്കൽ എത്തിച്ചു കൊടുക്കുന്ന സംരംഭം. ജീവകാരുണ്യ പ്രവർത്തനങ്ങൾക്ക് മറ്റൊരു ചന്ദ്രസ്പർശം.

ഡൽഹിയിലും എൻ.സി.ആർ. മേഖലകളിലുമുള്ള ദുരിതമനുഭവിക്കുന്ന മലയാളികൾക്ക് സഹായമെത്തിക്കുകയാണ് ആദ്യലക്ഷ്യം. സഹായം ആവശ്യമുള്ള കൊറോണ ടെസ്‌റ്റിൽ പോസിറ്റീവ് ആയവർ താഴെക്കൊടുത്തിരിക്കുന്ന മൊബൈൽ നമ്പറുകളിലോ മറ്റേതെങ്കിലും വിധേനയോ സുബിൻ ട്രേഡേഴ്‌സിൽ വിവരം അറിയിച്ചാൽ പ്രത്യേക കൊറിയർ മുഖേന സാധനങ്ങൾ അവരുടെ വീട്ടുപടിക്കൽ എത്തിച്ചു കൊടുക്കുന്നതാണ്. എം.സി.ഡി.യോ മറ്റു സർക്കാർ സ്ഥാപനങ്ങളോ മുദ്ര പതിപ്പിച്ച വീടുകളിൽ മാത്രമാവും വിതരണം.

Also read:  കനിവറ്റ നഗരത്തിന്റെ തെരുവ് കാഴ്ചകള്‍

കൃഷ്ണാ ചുക്ക് കാപ്പി (100 ഗ്രാം), റോബിൻഫുഡ് ചെമ്പാ അരി (2 കിലോ), പൊൻകതിർ പുട്ടുപൊടി (1 കിലോ), കൈരളി പപ്പടം, വൈറ്റ് ഓട്ട്സ് (500 ഗ്രാം), പഞ്ഞപ്പുല്ല് (500 ഗ്രാം), സാമ്പാർ പരിപ്പ് (500 ഗ്രാം), ലോബിയാ (500 ഗ്രാം), ചെറുപയർ (500 ഗ്രാം), ഏലാദി കഫ് സിറപ്പ് (100 മില്ലി), കായം പൊടി (50 ഗ്രാം), രണ്ടു തരത്തിലുള്ള സാംബ ഗോതമ്പ് നുറുക്ക് (500 ഗ്രാം വീതം), മുളകു പൊടി (100 ഗ്രാം), മഞ്ഞൾപ്പൊടി (100 ഗ്രാം), മല്ലിപ്പൊടി (100 ഗ്രാം), പവിഴം അപ്പം പൊടി (500 ഗ്രാം), മുതിര (500 ഗ്രാം) തുടങ്ങി 18 കൂട്ടം നിത്യോപയോഗ സാധനങ്ങളാണ് കൊറോണയുമായി മല്ലിടുന്ന മലയാളികൾക്ക് നൽകുന്ന കിറ്റിൽ ഉൾപ്പെടുത്തിയിരിക്കുന്നത്.

Also read:  കോവിഡില്‍ വിറച്ച്‌ ഇന്ത്യ; രാജ്യത്ത് 90,632 പുതിയ കോവിഡ് കേസുകള്‍

കൊറോണ പിടിപെട്ടതുമൂലം മറ്റുജനങ്ങളുമായുള്ള സമ്പർക്കം നിഷേധിക്കപ്പെട്ട് സഹജീവികളുടെ സ്നേഹമോ പരിചരണങ്ങളോ കിട്ടാതെ തികച്ചും ഒറ്റപ്പെട്ടുഴലുന്ന മലയാളികൾക്കു സാന്ത്വനം എന്ന നിലയിലാണ് ഇങ്ങനെ ഒരുദ്യമത്തിനു മുതിർന്നതെന്ന് സുബിൻ ട്രേഡേഴ്‌സിന്റെ ഉടമയും ഡൽഹി മലയാളി അസോസിയേഷന്റെ ജനറൽ സെക്രട്ടറി കൂടിയായ ശ്രീ സി ചന്ദ്രനും മകൻ സുബിൻ ചന്ദ്രനും അറിയിച്ചു. ഡൽഹി മലയാളി അസോസിയേഷന്റെ കേന്ദ്രകമ്മിറ്റിയോ ഏരിയ ഭാരവാഹികൾ മുഖേനയോ ബന്ധപ്പെടുന്നവർക്കും സഹായ സാമഗ്രികൾ എത്തിക്കുമെന്നും അറിയിച്ചു.

Also read:  പ്രളയബാധിതർക്ക് ആസ്റ്റർ നൽകുന്ന രണ്ടാംഘട്ട വീടുകൾക്ക് ശിലയിട്ടു

കൂടുതൽ വിവരങ്ങൾക്ക് 8800398979, 9811117391 എന്നീ നമ്പരുകളിൽ ബന്ധപ്പെടാവുന്നതാണ്‌.