റിയാദ് – പരിവർത്തനം സംഭവിച്ച കൊറോണ വൈറസ് (കോവിഡ്-20) കോവിഡ്-19 നെക്കാൾ ഗുരുതരമല്ലെന്ന് ആരോഗ്യ മന്ത്രി ഡോ. തൗഫീഖ് അൽറബീഅ പറഞ്ഞു. കോവിഡ്-20 നെ കുറിച്ച് പഠിച്ചുകൊണ്ടിരിക്കുകയാണ്. ഇതുമായി ബന്ധപ്പെട്ട സംഭവവികാസങ്ങൾ സൗദി അറേബ്യ ഏറെ ശ്രദ്ധയോടെ നിരീക്ഷിച്ചുവരികയാണ്.
പ്രാഥമിക പഠനങ്ങൾ പ്രകാരം കൊറോണ വാക്‌സിൻ കോവിഡ്-20 ന് ഫലപ്രദമാണ്. സ്ഥിതിഗതികൾ വിലയിരുത്താനും മുഴുവൻ മുൻകരുതൽ നടപടികളും സ്വീകരിക്കാനും സൗദി ഭരണാധികാരികൾ പ്രത്യേകം താൽപര്യം കാണിച്ചു. കോവിഡ്-20 പരിചിതമായ കൊറോണ വൈറസിന് സദൃശമാണ്. ഈ വൈറസ് അതിവേഗത്തിൽ വ്യാപിക്കുന്നുണ്ടോയെന്ന കാര്യത്തെ കുറിച്ച് പഠിച്ചുവരികയാണെന്നും മന്ത്രി പറഞ്ഞു.
