English हिंदी

Blog

ramesh-chennithala

 

തിരുവനന്തപുരം: ആഴക്കടല്‍ മത്സ്യബന്ധന കരാറിലെ എല്ലാ ധാരണാപത്രങ്ങളും റദ്ദാക്കണമെന്നാവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല പൂന്തുറയില്‍ ഉപവാസ സമരം തുടങ്ങി. കെപിസിസി പ്രസിഡന്റ് മുല്ലപ്പള്ളി രാമചന്ദ്രന്‍ ഉപവാസ സമരം ഉദ്ഘാടനം ചെയ്തു. ഫിഷറീസ് മന്ത്രി ജെ.മേഴ്‌സിക്കുട്ടിയമ്മ രാജിവെക്കണമെന്ന് രമേശ് ചെന്നിത്തല ആവര്‍ത്തിച്ചു.

Also read:  മുങ്ങുന്ന കപ്പലില്‍ നിന്ന് കാപ്പന്‍ രക്ഷപ്പെട്ടുവെന്ന് ചെന്നിത്തല

കള്ളങ്ങള്‍ പിടിക്കുമ്പോള്‍ ഉദ്യോഗസ്ഥരുടെ തലയില്‍ കെട്ടിവെച്ച് രക്ഷപ്പെടാനാണ് മന്ത്രിമാരുടെ ശ്രമം. സ്പ്രിങ്ക്‌ളറില്‍ ഉള്‍പ്പെടെ ഇത് കണ്ടു. ഇവിടെ അത് നടക്കില്ല. ഇ എംസിസി ഫ്രോഡ് കമ്പനി ആണെന്നാണ് മന്ത്രി മേഴ്‌സിക്കുട്ടിയമ്മ ഇപ്പോള്‍ പറയുന്നത്. അത്തരമൊരു റിപ്പോര്‍ട്ട് കേന്ദ്രം നല്‍കിയിട്ട് ഉണ്ടെങ്കില്‍ പുറത്തു വിടാന്‍ ഫിഷറീസ് സെക്രട്ടറി തയ്യാറാകണം. പിടിക്കപ്പെട്ടപ്പോള്‍ മന്ത്രി ഓരോന്ന് പറയുന്നു. താന്‍ ഐശ്വര്യയാത്ര ആരംഭിച്ചത് എന്നെന്ന് പോലും മന്ത്രിക്ക് അറിയില്ല. മന്ത്രിയുടെ ഭാഷയില്‍ മറുപടി പറയാനില്ലെന്നും ചെന്നിത്തല കൂട്ടിച്ചേര്‍ത്തു.