English हिंदी

Blog

mersikutt

 

തിരുവനന്തപുരം: ആഴക്കടല്‍ മത്സ്യബന്ധന വിവാദത്തില്‍ ഉള്‍പ്പെട്ട ഇ.എം.സി.സി ഇന്റര്‍നാഷണല്‍ ഇന്ത്യ പ്രൈവറ്റ് ലിമിറ്റഡിനെ രൂക്ഷമായി വിമര്‍ശിച്ച് ഫിഷറീസ് മന്ത്രി ജെ. മേഴ്‌സിക്കുട്ടിയമ്മ. ഇ.എം.സി.സി പ്രതിനിധികള്‍ പ്രതിപക്ഷ നേതാവുമായി ചേര്‍ന്ന് കഥകള്‍ മെനയുകയാണെന്ന് മേഴ്‌സിക്കുട്ടിയമ്മ കുറ്റപ്പെടുത്തി.

ഇ.എം.സി.സി കമ്പനിയുടെ പ്രതിനിധികള്‍ തന്നെ കണ്ടിട്ടുണ്ട്. എന്നാല്‍, മുഖ്യമന്ത്രിയെ കണ്ടിട്ടില്ല. സര്‍ക്കാറിനെതിരായ ആരോപണം പ്രതിപക്ഷ നേതാവിന്റെ ഗൂഢാലോചനയാണ്. പ്രതിപക്ഷം കള്ളകഥകള്‍ മെനയുകയാണെന്നും മേഴ്‌സിക്കുട്ടിയമ്മ മീഡിയവണ്‍ അഭിമുഖത്തില്‍ ആരോപിച്ചു.

Also read:  മൂന്ന് ലക്ഷം പേരെ സര്‍ക്കാര്‍ സര്‍വ്വീസില്‍ അനധികൃതമായി സ്ഥിരപ്പെടുത്തി: ചെന്നിത്തല

ആഴക്കടല്‍ മത്സ്യബന്ധന വിവാദവുമായി ബന്ധപ്പെട്ട ആരോപണങ്ങളില്‍ കൂടുതല്‍ തെളിവുകള്‍ പ്രതിപക്ഷ നേതാവ് രമേശ് ചെന്നിത്തല ഇന്ന് പുറത്തുവിട്ടിരുന്നു. ഇ.എം.സി.സി ഇന്റര്‍നാഷണല്‍ ഇന്ത്യ പ്രൈവറ്റ് ലിമിറ്റഡുമായി കൊച്ചിയില്‍ നടന്ന ആഗോള നിക്ഷേപ സംഗമം ‘അസെന്‍ഡ് കേരള-2020’യില്‍വെച്ച് ഉണ്ടാക്കിയ ധാരണാപത്രത്തിന്റെ (എം.ഒ.യു) പകര്‍പ്പും പള്ളിപ്പുറത്ത് ഇ.എം.സി.സിക്ക് ഭൂമി അനുവദിച്ച സര്‍ക്കാര്‍ ഉത്തരവിന്റെ പകര്‍പ്പുമാണ് ചെന്നിത്തല പുറത്തുവിട്ടത്. ഇ.എം.സി.സി-കെ.എസ്.ഐ.എന്‍.സി കരാര്‍ സംബന്ധിച്ച് കേരള സര്‍ക്കാര്‍ നല്‍കിയ പി.ആര്‍.ഡി പരസ്യവും ചെന്നിത്തല വാര്‍ത്താസമ്മേളനത്തില്‍ പ്രദര്‍ശിപ്പിച്ചിരുന്നു.

Also read:  മഹാകവി അക്കിത്തത്തിന്റെ നിര്യാണത്തിൽ രമേശ്‌ ചെന്നിത്തല അനുശോചിച്ചു

ഫിഷറീസ് മന്ത്രി ജെ. മേഴ്‌സിക്കുട്ടിയമ്മ അമേരിക്കയില്‍വെച്ച് ചര്‍ച്ച നടത്തിയെന്ന ആരോപണത്തില്‍ ഉറച്ചുനില്‍ക്കുന്നതായി ചെന്നിത്തല പറഞ്ഞു. ന്യൂയോര്‍ക്കില്‍വെച്ച് മാത്രമല്ല തിരുവനന്തപുരത്തും ചര്‍ച്ചകള്‍ നടന്നിട്ടുണ്ട്. ആഴക്കടല്‍ മത്സ്യബന്ധനവുമായി ബന്ധപ്പെട്ട പല വസ്തുതകള്‍ സംസ്ഥാന സര്‍ക്കാറും മുഖ്യമന്ത്രി പിണറായി വിജയനും മറച്ചുവെക്കുകയാണ്. ഉണര്‍ന്നിരിക്കുന്ന പ്രതിപക്ഷത്തിന് എല്ലാ രേഖകളും ലഭിക്കുമെന്നും ചെന്നിത്തല വാര്‍ത്താസമ്മേളനത്തില്‍ വ്യക്തമാക്കിയിരുന്നു.

Also read:  സൂര്യതേജസ്സോടെ മുംബൈ പ്ലേ ഓഫിൽ; ബാംഗ്ലൂരിനെതിരെ അഞ്ച് വിക്കറ്റ് വിജയം