രാജ്യത്ത് പെട്രോള്‍ – ഡീസല്‍ വില വീണ്ടും വര്‍ധിപ്പിച്ചു

ഡല്‍ഹി: രാജ്യത്ത് പെട്രോളിനും ഡീസലിനും വില വീണ്ടും കൂടി. പെട്രോളിന് 17 പൈസയും ഡീസലിന് 19 പൈസയുമാണ് കൂടിയത്. കൊച്ചിയില്‍ പെട്രോളിന് 82.55 രൂപയും ഡീസലിന് 76.37 രൂപയുമായി.11 ദിവസത്തിനിടെ പെട്രോളിന് 1.29 രൂപയും ഡീസലിന് 1.99 രൂപയുമാണ് വര്‍ധിച്ചത്. കഴിഞ്ഞ ദിവസം പാചക വാതകത്തിന്റെ വിലയും കേന്ദ്ര സര്‍ക്കാര്‍ കുത്തനെ വര്‍ധിപ്പിച്ചിരുന്നു. 50 രൂപയാണ് ഗാര്‍ഹികാവശ്യത്തിനായി ഉപയോഗിക്കുന്ന ചാചക വാതകത്തിന് വില വര്‍ധിപ്പിച്ചത്. ഇതോടെ ഗാര്‍ഹിക സിലിണ്ടറിന് 651 രൂപയായി.