ലോകത്തെ 500 മികച്ച നോണ്‍ ഡിസ്ട്രിബ്യൂട്ടഡ് കമ്പ്യൂട്ടര്‍ സംവിധാനങ്ങളുടെ പട്ടികയില്‍ 63-ാമത് എത്തി ഇന്ത്യയുടെ പരം സിദ്ധി AI സൂപ്പര്‍ കമ്പ്യൂട്ടര്‍. നോണ്‍ ഡിസ്ട്രിബ്യൂട്ടഡ് വിഭാഗത്തിലെ ലോകത്തെ 500 മികച്ച സൂപ്പര്‍ കമ്പ്യൂട്ടറുകളുടെ പട്ടികയില്‍ 63-ാമത് എത്തി ഇന്ത്യയുടെ പരം സിദ്ധി ഉന്നത ശേഷി നിര്‍മ്മിതബുദ്ധി (HPC-AI) സൂപ്പര്‍ കമ്പ്യൂട്ടര്‍. 2020 നവംബര്‍ 16ന് പ്രഖ്യാപിച്ച ആഗോള റാങ്കിംഗില്‍ ആണ് പരം ഈ നേട്ടം കൈവരിച്ചത്. ദേശീയ സൂപ്പര്‍ കമ്പ്യൂട്ടര്‍ ദൗത്യത്തിന് കീഴില്‍ C-DAC ലാണ് ഈ സൂപ്പര്‍ കമ്പ്യൂട്ടര്‍ വികസിപ്പിച്ചത്.
ആസ്‌ട്രോഫിസിക്‌സ്, മരുന്ന് വികസനം, കാലാവസ്ഥാ പ്രവചനം തുടങ്ങിയ മേഖലകളില്‍ മികച്ച സംഭാവനകള്‍ നല്‍കാന്‍ ഇതിലെ നിര്‍മിതബുദ്ധി സഹായിക്കും. ജീനോം സീക്വന്‍സിംഗ്, മെഡിക്കല്‍ ഇമേജിംഗ്, വേഗത്തിലുള്ള സിമുലേഷനുകള്‍ തുടങ്ങിയവ സാധ്യമാക്കുന്നതിലൂടെ കോവിഡിനെതിരായ ഗവേഷണ വികസന പ്രവര്‍ത്തനങ്ങളെ ശാക്തീകരിക്കാനും ഇത് സഹായിക്കും.
അത്യാധുനിക രീതിയിലുള്ള എണ്ണ-പ്രകൃതി വാതക പര്യവേക്ഷണം, ഓണ്‍ലൈന്‍ വിദ്യാഭ്യാസ കോഴ്‌സുകള്‍ തുടങ്ങിയവയ്ക്കായി ആപ്ലിക്കേഷനുകള്‍ വികസിപ്പിക്കുന്നവര്‍ക്കും ഇത് സഹായകമാകും.
