ഷാര്‍ജ എമിറേറ്റിലെ 2,992 സ്ഥലങ്ങളില്‍ കൂടി പാര്‍ക്കിങ് ഫീസ് ഏര്‍പ്പെടുത്തിയതായി മുനിസിപ്പാലിറ്റി അറിയിച്ചു. മുവൈലയിലാണ് ഏറ്റവും കൂടുതല്‍ പ്രദേശങ്ങളില്‍ പെയ്ഡ് പാര്‍ക്കിങ് ഏര്‍പ്പെടുത്തിയത്. ഇവിടെ 1,755 സ്ഥലങ്ങള്‍ പെയ്ഡ് പട്ടികയില്‍ പെടുത്തിയപ്പോള്‍ അല്‍ നഹ്ദ (651), അല്‍ താവൂന്‍ (586) എന്നിവിടങ്ങളിലും ഫീസ് ഈടാക്കും.
ഷാര്‍ജ നഗരത്തിലെ സുപ്രധാന മേഖലകളില്‍, പൊതു പാര്‍ക്കിങ് സ്ഥലങ്ങള്‍ എന്നിവ ദുരുപയോഗം ചെയ്യാതിരിക്കാനുള്ള മുനിസിപ്പാലിറ്റിയുടെ ശ്രമങ്ങളുടെ ഭാഗമായാണ് നടപടി. അവിടെ പാര്‍ക്കിങ് ചിഹ്നങ്ങളും മീറ്ററുകളും സജ്ജീകരിച്ചു. മൂന്‍കൂട്ടി പാര്‍ക്കിങ് സ്ഥലങ്ങള്‍ ബുക്ക് ചെയ്യാനും മൊബൈല്‍ ഫോണ്‍ ഉപയോഗിച്ച് പണമടക്കാനും സൗകര്യമുണ്ട്.
