ഡല്‍ഹി: വീര്യത്തോടെയുള്ള പോരാട്ടത്തിലെ വഴിത്തിരിവെന്ന് പ്രധാനമന്ത്രി നരേന്ദ്രമോദി. രണ്ട് വാക്‌സിനുകളും തദ്ദേശീയമായി നിര്‍മിച്ചതില്‍ അഭിമാനമുണ്ട്. ആത്മനിര്‍ഭര്‍ ഭാരത് സാക്ഷാത്കാരത്തിന് ശാസ്ത്രജ്ഞര്‍ക്ക് അഭിനന്ദനമെന്നും പ്രധാനമന്ത്രി പറഞ്ഞു.
രാജ്യത്ത് രണ്ട് കോവിഡ് വാക്‌സിനുകള്‍ക്കാണ് അനുമതി നല്കിയിരിക്കുന്നത്. കോവിഷീല്‍ഡ്, കോവാക്‌സിന്‍ വാകിസിനുകള്‍ക്കാണ് അനുമതി. ഉപാധികളോടെയാണ് അനുമതിയെന്നും കരുതല്‍ വേണമെന്നും ഡ്രഗ്‌സ് കണ്‍ട്രോളര്‍ മുന്നറിയിപ്പ് നല്‍കി.
രണ്ട് വാക്സിനും രണ്ട് ഡോസ് വീതമാണ് നല്‍കുന്നത്.കോവിഷീല്‍ഡിന് 70.42 ശതമാനമാണ് ഫലപ്രാപ്തി. സര്‍ക്കാരിന് ഒരു ഡോസ് 250 രൂപയ്ക്കാണ് നല്‍കുക. സ്വകാര്യ വിപണിയില്‍ ഒരു ഡോസ് 1000 രൂപയായിരിക്കും. ഓക്‌സ്ഫഡ് സര്‍വകലാശാല ആസ്ട്രസെനക പൂനെ സിറം ഇന്‍സ്റ്റിറ്റ്യൂട്ടും ചേര്‍ന്നാണ് കോവിഷീല്‍ഡ് നിര്‍മ്മിച്ചത്. അഞ്ച് കോടി വാക്‌സിന്‍ ആണ് നിര്‍മ്മിച്ചതെന്ന് പൂനെ സിറം ഇന്‍സ്റ്റിറ്റ്യൂട്ട് പറഞ്ഞു.
കോവാക്‌സിന്‍ ഇന്ത്യയില്‍ തദ്ദേശമായി നിര്‍മ്മിച്ചതാണ്. ഭാരത് ബയോടെക്കും ഐസിഎംആറും ചേര്‍ന്നാണ് വികസിപ്പിച്ചത്. മൂന്നാംഘട്ട പരീക്ഷണം പൂര്‍ത്തിയായിട്ടില്ല.
സിഡസ് കാഡിലയുടെ മൂന്നാംഘട്ട പരീക്ഷണത്തിനും അനുമതി നല്‍കിയിട്ടുണ്ട്.
