English മലയാളം

Blog

ministry-of-labour-in-oman

 

മസ്‌കത്ത്: ഒമാനില്‍ വിദേശികളുടെ തൊഴില്‍ കരാറുകള്‍ ഇനി ഓണ്‍ലൈനില്‍ രജിസ്റ്റര്‍ ചെയ്യണം. തൊഴിലുടമകള്‍ക്ക് വെബ്‌സൈറ്റ് വഴി രജിസ്റ്റര്‍ ചെയ്യാന്‍ സാധിക്കുന്ന ഇലക്‌ട്രോണിക്ക് സേവനത്തിന തുടക്കമായതായി തൊഴില്‍മന്ത്രാലയം അറിയിച്ചു. വിദേശ തൊഴിലാളി ഒമാനിലെത്തി റസിഡന്റ് കാര്‍ഡ് ലഭിച്ച ശേഷം തൊഴില്‍ ഉടമക്ക് രജിസ്‌ട്രേഷന്‍ നടത്താവുന്നതാണ്. കരാര്‍ പിന്നീട് പുനരവലോകനം ചെയ്യുന്ന പക്ഷം ഓണ്‍ലൈനില്‍ തന്നെ ഭേദഗതി ചെയ്യാനും സാധിക്കുമെന്നും മന്ത്രാലയം പ്രസ്താവനയില്‍ അറിയിച്ചു.

Also read:  കോവിഡ്-19: ഒമാനില്‍ ഇന്ന് 1,327 പോസിറ്റീവ് കേസുകള്‍; മരണം ഒന്‍പത്

തൊഴിലുടമയുടെ വിവരങ്ങളിലും മാറ്റങ്ങള്‍ വരുത്താം. തൊഴില്‍ കരാറിന്റെ കൃത്യതയും കാലാവധിയും ഉറപ്പുവരുത്തുന്നതിനായി വിദേശ തൊഴിലാളി അത് പരിശോധിച്ച് സമ്മതമറിയിക്കുകയും വേണമെന്ന് മന്ത്രാലയം അറിയിച്ചു. തൊഴില്‍ പെര്‍മിറ്റ് പുതുക്കി റസിഡന്റ് കാര്‍ഡ് ലഭിച്ച ശേഷവും രജിസ്‌ട്രേഷന്‍ നടത്താം. പ്രൊഫഷനില്‍ ഔദ്യോഗികമായി മാറ്റം വരുത്തിയാലോ കാലാവധി കഴിയുകയോ ചെയ്താലും രജിസ്‌ട്രേഷന്‍ നടത്തണം. തൊഴിലാളി കരാറിന് സമ്മതം അറിയിച്ച ശേഷമാണ് തൊഴിലുടമ കരാറിന്റെ സേവന ഫീസ് അടക്കേണ്ടത്. ഇതിന് ശേഷമാണ് കരാര്‍ തൊഴില്‍മന്ത്രാലയം അംഗീകരിക്കുക.