English हिंदी

Blog

WhatsApp Image 2020-06-23 at 5.56.52 PM

Web Desk

വാണിജ്യ-വ്യവസായ മന്ത്രാലയത്തിന് കീഴിലുള്ള ഗവണ്‍മെന്‍റ് ഇ-മാര്‍ക്കറ്റില്‍ (GEM) പുതുതായി രജിസ്റ്റര്‍ ചെയ്യുന്ന ഉല്പന്നങ്ങളില്‍ ഉല്പാദക രാഷ്ട്രം സമ്പന്ധിച്ച വിവരങ്ങള്‍ നിര്‍ബന്ധമാക്കി കേന്ദ്രസര്‍ക്കാര്‍. കേന്ദ്രത്തിന്‍റെ ‘മെയ്ക്ക് ഇൻ ഇന്ത്യ’, ‘ആത്മനിർഭർ ഭാരത്’ പദ്ധതികളെ പ്രോത്സാഹിപ്പിക്കുന്നത് ലക്ഷ്യമിട്ടാണ് തീരുമാനം.

Also read:  കുട്ടികള്‍ ബെല്ലടിച്ചു ; മുന്നോട്ടെടുത്ത ബസില്‍ ഓടിക്കയറാന്‍ ശ്രമിച്ച ക്ലീനര്‍ ടയറിനടിയില്‍പ്പെട്ട് മരിച്ചു

മുന്നേ രജിസ്റ്റര്‍ ചെയ്തിട്ടുള്ള ഉല്‍പന്നങ്ങളുടെ വിവരം പുതുക്കി നല്‍കാനും സര്‍ക്കാര്‍ നിര്‍ദേശിച്ചു. ഇത് ചെയ്യാത്തപക്ഷം ഉല്‍പന്നങ്ങള്‍ ജെം-ല്‍ നിന്ന് നീക്കം ചെയ്യുമെന്നും സര്‍ക്കാര്‍ മുന്നറിയിപ്പുനല്‍കി. അതേസമയം ഉത്പന്നങ്ങളിൽ എത്ര ശതമാനം തദ്ദേശീയ വസ്തുക്കൾ ഉണ്ടെന്നറിയാനുള്ള പ്രത്യേക സംവിധാനവും ജെം-ൽ ഏർപ്പെടുത്തിയിട്ടുണ്ട്. ഇതിലൂടെ വിപണിയിലെ എല്ലാ ഉല്‍പന്നങ്ങളും എവിടെ ഉല്‍പാദിപ്പിച്ചു, അതിൽ എത്ര ശതമാനം പ്രാദേശിക വസ്തുക്കൾ ഉപയോഗിച്ചു എന്ന വിവരങ്ങൾ ലഭ്യമാകും.

Also read:  കേരളത്തില്‍ കോവിഡ് നിയന്ത്രണം കടുപ്പിക്കും; ആര്‍ടിപിസിആര്‍ ടെസ്റ്റുകള്‍ കൂട്ടി

‘മെയ്ക്ക് ഇൻ ഇന്ത്യ’ ഫിൽറ്റർ സൗകര്യവും പോർട്ടലിൽ ഏർപ്പെടുത്തിയിട്ടുണ്ട്. കുറഞ്ഞത് 50 ശതമാനം എങ്കിലും പ്രാദേശിക വസ്തുക്കൾ കൊണ്ട് നിർമ്മിച്ച ഉത്പന്നങ്ങൾ തെരഞ്ഞെടുക്കാൻ ഉപഭോക്താക്കൾക്ക് ഇതിലൂടെ സാധിക്കും.