കൊച്ചി: കാസര്ഗോഡ് ഫാഷന് ഗോള്ഡ് ജ്വല്ലറി തട്ടിപ്പ് കേസില് അറസ്റ്റിലായ എം.സി കമറുദ്ദീന്റെ ജാമ്യാപേക്ഷ ഹൈക്കോടതി ഇന്ന് പരിഗണിക്കും. തട്ടിപ്പുമായി ബന്ധപ്പെട്ട് രജിസ്റ്റര് ചെയ്ത മൂന്ന് കേസുകളിലാണ് ജാമ്യാപേക്ഷ നല്കിയിരിക്കുന്നത്.
ഇടപാടില് തനിക്ക് പങ്കില്ലെന്നും നേരിട്ട് നിക്ഷേപം സ്വീകരിച്ചിട്ടില്ലെന്നുമാണ് കമറുദ്ദീന്റെ വാദം. ബിസിനസ് പരാജയപ്പെട്ടപ്പോഴുണ്ടായ സാമ്പത്തിക പ്രശ്നങ്ങളാണ് നിക്ഷേപകര്ക്ക് പണം വൈകാന് ഇടയാക്കിയതെന്നും ഹര്ജിയിലുണ്ട്. നേരത്തെ ഹോസ്ദുര്ഗ് കോടതി കമറുദ്ദീന്റെ ജാമ്യാപേക്ഷ തള്ളിയിരുന്നു.
