കൊച്ചി: ചലച്ചിത്ര സംവിധായകന് സംവിധായകന് മേജര് രവി കോണ്ഗ്രസിലേക്കെന്ന് സൂചന. പ്രതിപക്ഷ നേതാവ് രമേശ് ചെന്നിത്തല നയിക്കുന്ന ഐശ്വര്യ കേരള യാത്രയില് മേജര് രവി പങ്കെടുക്കും. ബിജെപിയുമായുള്ള ബന്ധം ഉപേക്ഷിച്ചേക്കുമെന്നാണ് പുറത്ത് വരുന്ന വിവരങ്ങള് സൂചിപ്പിക്കുന്നത്.
തൃപ്പൂണിത്തുറയില് വച്ചായിരിക്കും പരിപാടിയില് പങ്കെടുക്കുക. മറ്റ് വേദികളിലും പ്രസംഗിച്ചേക്കും. കഴിഞ്ഞ കുറച്ച് വര്ഷങ്ങളായി ബിജെപിയുമായി ബന്ധപ്പെട്ട് പ്രവര്ത്തിച്ചിരുന്ന മേജര് രവി നേരത്തെ സംസ്ഥാനത്തെ ബിജെപി നേതാക്കള്ക്കെതിരെ ഗുരുതര ആരോപണവുമായി രംഗത്തെത്തിയിരുന്നു. 90 ശതമാനം ബിജെപി നേതാക്കളും വിശ്വസിക്കാന് കൊള്ളാത്തവരാണെന്ന് മേജര് രവി പറഞ്ഞു. തനിക്കെന്തു കിട്ടും എന്ന ചിന്തയാണ് എല്ലാ നേതാക്കള്ക്കും ഉള്ളതെന്നും മേജര് രവി പറഞ്ഞിരുന്നു.
മസില് പിടിച്ചു നടക്കാന് മാത്രം ഇവര്ക്ക് കഴിയുകയുള്ളൂവെന്നും, രാഷ്ട്രീയം ജീവിത മാര്ഗം ആക്കിയിരിക്കുന്നവരാണ് ബിജെപി നേതാക്കള് എന്നും മേജര് രവി ആരോപണമുന്നയിച്ചു. താഴെത്തട്ടിലുള്ള ജനങ്ങളെ ഇവര് തിരിഞ്ഞു നോക്കാറില്ലെന്നും ഗ്രൂപ്പ് പറഞ്ഞ് പാര്ട്ടിയെ തകര്ക്കാന് ആണ് ഇവര് ശ്രമിക്കുന്നതെന്നും അദ്ദേഹം പറഞ്ഞു.
