തിരുവനന്തപുരം: ജില്ലയില്‍ ആയുധങ്ങള്‍ കൈവശം സൂക്ഷിക്കുന്നതിന് ലൈസന്‍സ് ഉള്ളവര്‍ നവംബര്‍ 17 ന് വൈകിട്ട് അഞ്ചിനു മുമ്പായി അവരുടെ പരിധിയില്‍ വരുന്ന പോലിസ് സ്റ്റേഷനില്‍ ആയുധങ്ങള്‍ ഹാജരാക്കണമെന്ന് തിരുവനന്തപുരം ജില്ലാ കളക്ടര്‍ ഡോ. നവ്ജ്യോത് ഖോസ അറിയിച്ചു.
ഏതെങ്കിലും കാരണത്താല്‍ ആയുധങ്ങള്‍ കൈയ്യില്‍ സൂക്ഷിക്കേണ്ടവര്‍ ഉണ്ടങ്കില്‍ മതിയായ കാരണം കാണിച്ചു കൊണ്ടുള്ള പ്രത്യേക അപേക്ഷ നവംബര്‍ 17 ന് വൈകിട്ട് അഞ്ചിനു മുന്‍പ് അതത് എസ്.എച്ച്.ഒമാര്‍ക്ക് നല്‍കണം. നവംബര്‍ 21ന് ചേരുന്ന സ്‌ക്രീനിംഗ് കമ്മിറ്റി ഇക്കാര്യത്തില്‍ തീരുമാനമെടുക്കുമെന്നും കളക്ടറുടെ അറിയിപ്പില്‍ പറഞ്ഞു.
